DILI, STLTIMORLESTE.com – Visi Xefe Bankada Partidu Demokratiku (PD), Armando Lopes hateten, militante PD iha direitu atu afilia ba partidu seluk tanba PS laos atu kesi ema metin iha partidu laran.
Kestaun nee Visi Xefe Bankada PD, Armando Lopes ba jornalista sira relasiona ho Visi Koordenador Partidu Demokratiku iha Suku Fatukeru, Munisipiu Ermera neebe deside afilia ona ba Partidu Libertasaun Popular (PLP) iha loron hirak liu ba.
“Bankada Partidu Demokratiku emprinsipiu mai ho odamatan rua, ida mai sai hanesan instrumentu demokrasia ita nia rai mak nee, no seluk mai para ita fo doutrina kona-ba nasaun nian ba oin, Partidu Demokratiku laos kesi ema iha partidu laran, maibe ita husu ita iha komitmentu ida ba futuru, atu ita hotu hamutuk hodi hadia ita nia Nasaun,” hatete Deputadu Armando Lopes ba jornalista sira iha resintu Parlamentu Nasional, Kuarta, (07/05/2025).
Nia hatutan, koordenador aldeia no suku neebe foin lalais deklara ona atu afilia ba Partidu Libertasaun popular (PLP) nee ninia direitu duni, maibe mak nee, lo-loos nee saida mak sente ladun diak bele nakloke mai iha partidu oinsa para bele rezolve.
Nia dehan, eis Visi Koordenador PD iha Suku Fatukeru hatete katak atu hakoi Partidu Demokratiku sei labele akontese tanba abut Partidu Demokratiku nia metin ona.
“Hanoin katak buat nee laos ema ida nia, maibe Partidu Demokratiku nee hamriik por volta tinan 20 ona, neebe abut nee metin ona, hau hanoin katak durante nee ita hotu nia servisu, ita hotu esoforsu, maibe sei fo fiar ba Partidu Demokratiku ho kadeira 6 nee, ita tenke konsiente saida mak ita kuda ita nian mak nee. Neebe hau hanoin katak buat neebe la diak ita bele koalia ba malu no labele uza razaun ida nee, tan ita nia rezultadu mak nee,” nia hakoru.
(alb)
