DILI, STLTIMORLESTE.com – Militar hamutuk nain 11 konklui ona formasaun kona-ba oinsa atu prevene Violensia Seksual, no mos esplorasaun abuzu Seksual hodi responde ba Misaun Paz husi Organizasaun Nasoens Unidas (ONU).
Komandante Forsa Apoiu Jeral Coronel, Celestino Pinto “Dae Leba” hatete, observador militar preparasaun imi nian atu ba kumpri misaun ida neebe mak agora daudaun maluk sira ba kumpri iha misaun iha Sudaun do Sul, atu aprende no pratika iha Sudaun do Sul neeba hanesan daudaun instruktur sira hanorin.
“Ba too iha neeba saída mak ita boot sira sei halo, ita sai observador militar ba iha nasaun ida ita tenke foti ita nia nasaun para labele halo violasaun seksual, hanesan uluk Timor Leste nia partisipasaun iha misaun paz nian iha Libanon fila fali mai ba Sudaun do Sul ate agora la rona informasaun ruma kona-ba violasaun seksual,” dehan Celestino Pinto liu husi nia intervensaun hafoin Ensera Formasaun Refere, iha Sentru Instrusaun Komandante Nicolau Lobato, Metinaro, Dili, kuarta (13/11/2024).
Nia akresenta, Forsa neebe mak sai profisional hatudu matenek atu labele akontese iha nasaun neebe mak Timor Leste atu ba. Preparasaun ida nee laos ba deit iha Sudaun do Sul deit, maibe bom wainhira parseriu sira Presiza Timor Leste nia apoiu sei aumenta tan.
“Neebe prepara ita boot sira laos iha fatin deit, maibe prepara para atu lao,” dehan nia.
Iha fatin hanesan, Diretor Sentru Treinamentu Operasaun Apoiu Pas, Major Antão Claudino kongratula esforsu tomak neebe halo entre Sentru Treinamentu Operasaun Apoiu Pas, hamutuk ho parseiru DCP durante nee bazeia ba planu asaun anual.
“Portantu kursu ida nee laos deit intermus fahe materia ba ita nia partisipante sira, maibe ita mos realiza atividades fell exersises traning,” dehan nia.
(mar)
