DILI, STLTIMORLESTE.com – Komando FALINTIL- Forsa Defeza Timor Leste (F-FDTL) liu husi Kuartel Jeral ohin realiza marsa forsada husi Pilila Likisa too Tasi-Tolu ho distansia 17 Km.
Adjuntu Xefe Estadu Maiór Coronel, Renilde Guterres Corte Real hatete, marsa forsada nee hanesan ezersisiu ida neebe ida ba militar sira hodi prepara fizika ba militár sira nian, hodi hasoru kualker misaun atribui.
”Militar iha regra ida, individual mos halo preparasaun, laos deit iha marsa forsada nee ita halao preparasaun, maibe kada militár ida iha ninia preparasaun fizikamente individual nia halo ida nee mos ita bolu marsa koletivu,” hatete Renilde ba jornalista sira iha Pilila Likisa, Sesta (25/04/2025).
Nia hatoo mensajen ba militár hotu-hotu tenke halao ezersisiu hodi prepara fiziku hamutuk, hodi bele prontu kualker kumpri misaun laiha duvida.
Entretantu Marsa Forsada (lao ain) nee bazeia ba Matrix anual F-FDTL nian. Iha marsa forsada refere partipa masimu husi Ofisiais Superiores no Ofisiais Subalternus, Sarjentos no prasas husi Kuartel Jeneral.
(jen)
