DILI, STLTIMORLESTE.com – Xefe Estadu Maiór Jenerál Forsa Armada (XEMGFA), Tenente Jenerál Domingos Raul “Falur Rate Laek” hateten, iha militar nain 13 sei pasa ba vida reforma.
“Agora daudaun nee sira nain 13 mak hatoo ona sira nia rekerimentu atu pasa ba refoma, hau asina ona hein públika iha Jornál Repúblika para sira ba ona refoma,” Xefe Estadu Maiór Jenerál Forsa Armada (XEMGFA), Tenente Jenerál Domingos Raul “Falur Rate Laek” ba jornalista sira iha Kuartel Jeneral F-FDTL Fatuhada Dili, Kuarta (28/01/2026).
Nia tenik, iha lei nee hateten klaru, ema tinan lima nulu resin lima hakarak pasa ba rezerva nee sira nia hakarak.
“Sira bele hatama rekrerimemtu ba hau no hau bele autoriza sira para ba rezeva, agora pasa ba refoma tuir lei nee hateten tenke reforma. Maibé iha neeba lei mos hateten kuandu hau aprova ona sira nia rekerimentu entaun ba rezeva, pois mak ba reforma”, nia informa.
Nia deklara, militár sira nee mak hatama rekerimentu hodi pasa ba reforma nee tanba kestaun sira mos katuas ona.
“Entaun sira nee pasa ona ba refoma sira nia rekerimentu no hau asina ona. Sira hirak neebe mak husu atu pasa ba refoma nee maioria sira neebe 01, sira neebe veteranu antigu sira”, nia koalia.
Nia dehan, lista neebe nia parte aprova ona iha Koronél nain rua mak husu pasa ba rezerva no iha Alferis ida mak pasa ba rezerva.
“Iha Koronel nain rua Sadia no Koronél Amico, Alferis ida mak husu pasa ba rezerva no serjentu lubuk oan ida inklui sira seluk ne’e ba reforma”, nia hatutan.
Nia koalia, reforma nee sei implementa agora iha ambitu selebrasaun loron transforamasaun FALINTIL ba F-FDTL ba dala-25 neebe halao iha Aileu.
“Hau prosesa ona, imi hein aban ka bainrua sai jornal mak imi hatene. Sira nia reforma nee sei halo serimónia despedida”, nia realsa.
Falur hatutan, ba militár nain 13 neebe pasa ba reforma nee Komando sei la taka matan ba sira no sei trata sira ho dignu.
“Reforma neebe Estadu liu husi Komando F-FDTL halo ba militar na’in sanulu resin tolu nee dignu, tanba estadu prepara kondisaun hotu-hotu para sira pasa ba refoma”, nia Informa.
Nia afirma, estadu garantia militár reformadu sira nia kondisaun mak subsidiariu ba sira, sira nia seguransa sosiál, seguaansa fizika, sira nia sobre vivensia no saude.
(jen)
