DILI, STLTIMORLESTE.com – Komemora loron FALINTIL ba dala 50, Ministeriu Defesa (MD) realiza konferensia internasional ho tema “a reforma do setor da defesa e Seguranca, ensinu superior militar a lideransa e a defesa recursos nasionais”.
“Iha tematika neebe ita eskolia ba konferensia internasional ho tema a reforma do setor da defesa e Seguransa, ensinu superior militar a lideransa e a Defesa recursos nasionais ba komemora 50 aniversariu FALINTIL nian, nee importante ita define oinsa atu bele forma lider sira, liu-liu lider militares ba Ita Nia futuru ou ba futuru nasaun nian,” hatete Ministru Defesa (MD), Donaciano do Rosario da Costa Gomes Pedro Klamar Fuik ba jornalista sira, iha MNEK, Kuarta nee (20/8/2025).
Nia dehan, para atu iha Lider militares neebe mak kompetensia diak ho formasaun kualidade ba silensia militar konhesimentu umanu de karakter nasional tenke liu husi Instituisaun ida neebe mak bele prepara materia, bele prepara kondisoes hotu-hotu neebe mak nasaun presiza.
“Wainhira Ita eskolia tema a reforma do setor da defesa e Seguransa ensinu superior militar, a lideransa e a Defesa dos recursos nasionais, Ita introdus tematika Ida neebe importante tebes Iha ohin loron,”dehan nia.
Nia hatutan, mundu nee nakonu ho insertezas ema hotu -hotu ho idak-idak nia interese, nasaun rai hotu-hotu nia interese, kada interese konstitui dalan Ida para nia atu bele hetan saida mak nia hakarak.
“Tanba nee wainhira Lider sira estuda siensias mundiais, siensia neebe mak ita prepara akademikamente, sira bele hatene konportamentu nasoes hotu-hotu nian, Kona Ida idak-idak nia interese,”hatete governante nee.
Entretantu orador ba konferensia internasional nee mak hanesan, Tenente Jeneral F-FDTL, Domingos Raul Falur Rate Laek, ho tema a transformacao do Instituto Defesa nasional numa instituicao de ensinu militar, GMGFA Portugal, José Nunes da Fonseca ho tema importansia do ensinu superior na formacao dos oficiais da F-FDTL, Sekretariu Jeral G7+, Helder da Costa ho tema lideransa e Defesa doa recurcos naturais. Partisipante neebe mak partisipa iha konferensia internasional nee husi membru governu, F-FDTL no PNTL.
(joa)
