DILI, STLTIMORLESTE.com – Ministeriu Publiku iha alegasaun ba krimi violensia dimestika ho forma ofensa integridade fizika simples, solisita ba iha Tribunal Singular atu aplika pena multa ba arguidu ho inisial DC, tanba komete krimi hasoru lezada ho inisial NMPA.
Iha alegasaun nee Prokurador Napoliao da Silva mantein ho akuzasaun neebe iha, no konsidera provadu arguidu halo agresaun ba lezada, tanba nee husu ba Tribunal atu aplika pena multa ba arguidu.
Enkuantu tuir Defeza Manuel Exposto, husu Tribunal tetu sirkunstansia hotu no aplika pena neebe justu ba arguidu.
Rona tiha alegasaun, Tribunal adia ba loron seluk hodi rona desizaun.
Tuir kronolojia katak, kazu nee akontese iha Bairo Pite iha loron 6 fulan Julhu 2024, motivu husi problema nee tanba diskute malu, hodi ikus mai arguidu halo agresaun ba lezada hanesan tuku dala ida kona iha lezada nia ulun, tuku dala ida kona iha lezada nia liman kabun sorin loo, tuku tan dala ida kona iha knosen sorin.
Tanba nee Ministeriu Publiku akuza arguidu komete krimi Violensia Domestika ho Forma Ofensa Integridade Fizika Simples neebe previstu iha artigu 145 husi Kodigu Penal.
Audensia julgamentu nee prezide husi Juiz Francisca Cabral, Ministeriu Publiku reprezenta husi Prokurador Napoliao da Silva, arguidu hetan asistensia legal husi Defensor Publiku, Manuel Expost.
(ter)
