DILI, STLTIMORLESTE.com – Komisariu Komisaun Anti Korupsaun (KAK), Rui Pereira hatete, Ministeriu Publiku delega ona prosesu hamutuk 13 ba iha Komisaun Anti Korrupsaun (KAK).
“Dezde Komisariu mai, delegasaun husi Ministeriu Publiku kazu hamutuk 13,” dehan Komisariu KAK, Rui ba jornalista sira iha salaun MNEK, Kuarta (20/11/2024).
Nia hatutan, Komisariu labele dehan se mak envolve, atu dehan deit iha delegasaun kazu mai iha KAK 13, no partisipasaun husi KAK nian iha kazu 4 ka 5 ba leten, se delega husi MP mai sei lao tuir prosesu neebe iha.
Tanba prosesu Investigasaun ba kazu Korrupsaun limitasaun tempu bele menus husi tinan 10, nia tempu naruk tebes, no krime sira neebe falsifikasaun dokumentus nia preskrisaun tinan 2 ka 5, maibe restu nee artigu neebe tau ba sira todan bele too tinan 10 mak foin deskreve.
Iha fatin ketak, Akademiku UNTL, Sebastião Dos Santos dehan, KAK nia knaar importante tebes atu halao investigasaun ba kazu korrupsaun sira.
“Hanoin KAK nia servisu importante hodi halo investigasaun ba kazu korrupsaun, tanba nee tuir lei prosesu sira neebe ho natureza korrupsaun, Ministeriu Publiku bele delega mai iha KAK hodi halo investigasaun,” dehan nia.
(ter)
