DILI, STLTIMORLESTE.com – Ministru Justisa Sergio Hornai parabeniza Amado Sebastião neebe ohin simu pose asumi kargu nuudar Xefe Inspetor Defensoria Publiku.
Ministru Justisa husu Sebastião atu tane aas lejitimu interese povu no nasaun nian durante iha nia mandatu.
Ministru Justisa Sergio da Costa Hornai hatete, ohin simu responsabilidade ida asumi nuudar Xefe Inspetor Defensoria Publika, oin iha buat lubuk oan ida iha ona solusaun. Iha sorin seluk sei nafatin obstaklu sira neebe iha oin, atu bele buka forma hotu-hotu hamutuk ho parseiru sira, liu-liu ajensia kooperasaun Brazileiru, Defensoria Publika Uniaun neebe halo tiha ona emenda kooperasaun ba dala 8 ninian ho Republika Federativa Brazil ho Timor Leste.
Ministru dehan, uza oportunidade hotu-hotu atu explora no hakonu potensia sira, lakuna sira neebe hasoru atu bele inrikese kuadru sira no merese atu halo promosaun, tanba razaun, nunee bele manan objetividade, imparsialidade, no iha independensia iha parante Estadu Republika Demokratiku ida nee.
“Nee duni, parabens dala ida tan ba Xefe Inspetor lori IX Governu Konstitusional nia naran, ho estrutura Ministeriu Justisa nian tomak ita boot rasik sita tiha ona, saida mak ita atu halo, ita mai husi neebe, agora ita iha neebe, no ita atu ba iha neebe maibe governu atu sublina tau deit interese lejitimu povu no nasaun ninian iha interese buat hotu-hotu,” dehan Ministru Justisa liu husi nia diskursu iha Xefe Defensoria Publiku Balide, Segunda (05/05/2025).
Ministru dehan, buat hotu-hotu sira seluk la importante, tanba nee hanesan Ministru Justisa hanesan mos ema neebe tau aliserze iha Defensoria Publika tau nia preokupasaun, importante servisu Xefe Inspetor Defensoria Publika, lalais hodi bele halo klasifikasaun ba Defensor publika sira atu hatan ba iha ezijensia demanda mai husi sosiadade.
Nia hatutan, nuudar Ministru Justisa, nuudar ema neebe hola kareira iha Defensoria Publika eziste nafatin atu bele tau interese lejitimu Estadu ninian iha leten. Tanba hakarak presta servisu ida ho kualidade, asistensia juridika judisial ida gratuita ba ema kbiit laek sira, ho kontinua no seim intrupsaun. Maibe, halo deit ba konesimentu, halo alegasaun servisu ho autoridade judisiariu sira, Prokurador Jeral Republika, orgaun polísia kriminal sustenta argumentu hotu-hotu iha Casa Magna Tribunal sira atu defende no garante direitu fundamental sidadaun sira ninian.
Nunee mos Xefe Inspetor Defensoria Publika, Amado Sebastião hatete, iha loron kmanek ida nee marka tan espasu ida iha istoria Instituisaun Defensoria Publika Timor Leste nian, espesialmente iha prosesu de Nomeasaun ba nia, hodi assume Kargu Inspetor Xefe ba periodu tinan 3 (Tolu).
“Atan hau la haluhan hatoo agradesimentu primeiru ba Nai Maromak ho Nai Nia grasa no hakarak mak ohin loron ita hotu-hotu hamutuk iha fatin ida nee hodi asiste nomeiasaun ba kargu Inspetor Xefe. Segundu, fo agradesimentuba Ministru da Justisa, Sérgio Hornai, neebe ohin loron Segunda-feira, 5 Maiu 2025, pela konfiansa nomeia ona atan hau hodi fo posse, nuudar Inspetor Xefe iha Instituisaun Defensoria Publika ida nee,” dehan nia.
Nunee, Defensor Publika Jeral, Cancio Xavier hatete ohin marka pasu ida iha ambitu servisu inspesaun ninian. Tanba Defensoria Publika sempre iha sosiadade ninia matan, ibun sempre koalia hela la signifika Defensoria Publika halo ninia papel ladun diak, maibe hanoin katak, Defensoria Publika halo nia papel importansia atu garante asistensia judisial ida neebe sustentavel ba nasaun ida nee.
“Iha biban ida nee hakarak agradese ba Prezidente Republika mai partisipa no mos aseita Defensoria Publika ninia konvitebaumezmu tempu iha biban hotu-hotu Prezidente Republika sempre temi Defensoria Publika ida ne hanesan simbolu nasaun ninian, Xefe Estadu agradese profundamente ba Prezidente Republika neebe sempre temi Defensoria Publika ninia papel importante iha segimentu estadu nian, iha ambitu Timor-Leste ninian,” katak nia.
Nunee mos Prezidente Republika, José Ramos konsidera Defensoria Piblika instuituisaun ida pillat justisa nian importante, tanba sira mak bele oferese fo oportunidade ba Timoroan sira neebe rekursu sira nian laiha.
“Ohin ita fo pose ba Inspetor Xefe iha Defensoria Publika, hau mai iha nee marka prezensa, tanba Defensoria Publika instuituisaun ida pillar justisa nian importante. Tanba sira mak bele oferese fó oportunidade ba Timoroan sira neebe rekursu sira nian laiha, ba defende sira nia an, bainhira iha problema ruma,” dehan PR Horta.
(eme)
