DILI, STLTIMORLESTE.com – Polisia Nasional Timor Leste (PNTL) Komando Munisipiu Dili la rejistu kazu asidente nomos insidente durante misa neebe halao iha Tasi-Tolu ba komemorasaun tinan ida vizita Papa Francisco nian mai iha TL, iha loron 09 too 11 Setembru 2024.
Haktuir Komandante PNTL Munisipiu Dili, Superientende Xefe Polisia, Orlando Gomes ba jornalista sira iha nia knar fatin Eskuadra Dom Aleixo Comoro, Kinta (11/09/2025).
“Durante misa kalan nee ita la rezisto asidente, tanba sarani sira ho motor mai para dook depois lao mai Tasitolu,” nia esplika.
Nia mos halo monotorizasaun iha Tasitolu nian too mai Rotunda Lafaek, tuir informasaun ema tenta atu halo perturba, maibe too agora seidauk iha keixa mai iha Eskuadra Dom Aleixo .
“Horkalan halu halo monotorizasaun iha Rotunda lafaek, tuir informasaun ema tenta atu perturba, maibe ita nafatin monitoriza situasaun too agora seidauk iha keixa ruma tama iha Komando katak, iha asaltu ruma ka iha ema ruma atu tuda, no too agora ita sei hein hela keixa. Durante misa laiha asidente nomos insedenti neebe mak grave, situasaun lao diak,” nia deklara.
Antes nee nia hateten, PNTL preparadu ona atu garante fo seguransa ba selebrasaun misa tinan ida vizita Sua Santidade Papa Francisco mai TL neebe sei halo iha Tasi-Tolu loron 10 Setembru 2025.
Jornalista: Jeniche da Costa
Editora: Domingas Gomes
