DILI, STLTIMORLESTE.com – Ministériu Justisa (MJ) liu husi Visi MJ Fortalesimentu Institusional hatoo dokumentus kona-bá melhora atendimentu publiku ba Konselhu Ministru (KM), atu ba oin atendimentu ho diak no servi povu ho dignu.
Tuir Visi Ministru Justisa Fortalesimentu Institusional, Paulo Remédios, kona-ba atendimentu publiku, ohin kedas nia halo pedidu ba Konselhu Ministru (KM) atu buka solusaun ida. Primeiru solusaun mak ministeriu halo, neebe distribui tiha ona guia ida ka mata dalan ida ba funsionariu hotu-hotu iha MJ, tenke fo atendimentu ida ho kapasidade hodi halo melhoramentu ba atendimentu publiku, ida nee sai tiha ona dokumentu.
“Ohin hau hatoo dokumentu nee ba iha KM atu iha konhesimentu bá hau nia distribuisaun dokumentus, ba funisionariu hotu iha MJ, komesa agora fulan Outubru funsionariu tenke halo diferente atendimentu ho diak, servi povu ho dignidade ho modelu foun, respeitu, ida nee kestaun tekniku etika profesional funsionariu nian”, katak Visi Ministru Justisa, Fortalesimentu Institusional, Paulo Remédios ba jornalista sira iha Palasiu Governu, Sesta (18/10/2024).
Nia informa, mata dalan apoia nee iha semana kotuk fo ona ba MJ, no ohin fo ba membru hotu, governu aplika halo adaptasaun ba regras ministériu hotu-hotu tenke atedimentu publiku diak. I regra husi fortalesementu ba instituisaun sira, hanesan Ministeriu Saude no Ministeriu Agrikultura tenke halo melhoramentu ho atendimentu ba publiku.
Tanba nee, ohin nia mos distribui ba membru Governu hotu liga ba programa governu atu servi povu TL ho diak.
Ho nunee, nia aprezenta dokumentus nee ba KM atu sira haree dokumentu nee, sujere ida nee laos opsaun, maibe tenke implementa, la presiza estuda, maibe distribui dokumentus nee ba diretores no xefia sira hotu, ida nee rekomendasaun husi Primeiru Ministru, tanba sae ba ukun atu servi povu.
(gui)
