DILI, STLTIMORLESTE.com – Ministru Justisa (MJ), Sergio Hornai hatete, nia la admite atividade ilisitu eziste iha Timor Leste (TL), tanba TL nasaun demokrasia ema hotu hanesan iha lei nia oin, maibe ema balun kontra lei tenke responsabiliza ba nia aktu.
Ministru Justisa, Sergio Hornai hatoo kestaun nee ba jornalista sira, bainhira remata halo enkontru ho Prezidente Republika Jose Ramos Horta iha Palasiu Prezidensial Nicolau Lobato, Bairo Pite, Tersa nee (30/09/2025) hatete, ministru la admite atividade ilisitiu eziste iha TL.
“Ita la admite, estadu nee estadu direitu, ema hotu-hotu iha lei nia oin. Ita bele halo admisaun deit ba buat sira neebe sai no tama tuir deit lei. Se kontrariu ho lei, ita la admite. Se ema neebe envolvidu tenke responsabiliza ba nia aktu neebe nia halo, mais tenke liu husi prosesu ida neebe justu,” dehan ministru.
Ministru argumenta, iha nasaun demokrasia ema hotu-hotu hanesan iha lei nia oin, maibe balun kontra lei, ida nee ministru la admite, tenke responsabiliza ba nia aktu rasik no prosesu ho justu.
“Iha instituisaun propria atu haree buat nee. Dala ida tan la admite saida deit, hanesan Ministru Justisa hanesan kocer ho MNEK ba Komisaun Nasional Brankamentu Kapitais Finansiamentu Terorizmu, hanesan ambrela ba iha Polísia Sientífiku Investigasaun Kriminal, instrui maibe labele enxiste atividade ilisitiu iha ita nia teritoriu nasional,” katak ministru.
Jornalista: Emerenciana Pinto
Editor: Xisto Mendonça
