BAUKAU, STLTIMORLESTE.com – Ministeriu Juventude Desportu Arte no Kultura (MJDAK) aloka orsamentu hamutuk US$ 3.600.00 ba Munisipiu Baukau hodi selebra loron 12 Novembru iha tinan nee.
Informasaun nee hatoo husi Koorndenador Pontu Fokal MJDAK Munisipiu Baukau, Elizio Plasido Ramos ba STL iha Vila Nova Baukau, Segunda (28/10/2024).
“Total orsamentu neebe mak ita hetan nee hamutuk US$ 3.600.00, tanba ita iha postu 6 entaun kada postu hetan US$ 600.00,” nia informa.
Elizio fundamenta, total orsamentu refere sei aloka ba kada Postu Administrativu neebe jere husi komisaun organizadora sira ba programa 7 neebe parte nasional prepara ona.
Pontu fokal nee husu jovem sira iha territoriu nasional atu tempu ona estuda husi loron 12 Novembru, tanba iha momentu loron refere mak jovem sira iha nasaun nee basa hirus matan hodi hakilar ho lian ida deit, neebe la tauk mate hakarak ukun rasik aan.
(EST 2)
