DILI, STLTIMORLESTE.com – Ministru Juventude Desportu Arte no Kultura (MJDAK), Nelyo Isac Sarmento husu Federasaun Futebol Timor Leste (FFTL) atu kaer metin estatutu FFTL nian, hodi lao tuir lalaok organizasaun nian.
Tanba nia parte rona informasaun kona-ba dezentendimentu iha kogresu FFTL nian, maibe too agora mais por eksrita seidauk simu, Komisaun Nasional Desportu sei halo hela analiza ho relatoriu, maibe atu saída deit mak akontese iha organizasoens desportivas hotu nia finalidade nee mak hakarak dezenvolve desportu futebol.
“Hanesan governu nafatin husu ba FFTL atu nafatin kaer ba sira nia estatutu, hodi lao ka servisu tuir lao tuir lalaok organizasaun desportivas FFTL nian,” dehan Nelyo ba jornalista sira iha Palasiu Governu, Dili, Kuarta (29/10/2024).
Nunee iha semana hirak liu ba hakerek ona karta ida ba Prezidente Interinu Federasaun Futebol Timor Leste, atu haree asuntus nee hodi kaer Estatutu nee, katak iha ema internal iha organizasoens nia laran mak halo aktus ruma neebe desakridita Prezidente Interinu hasai tiha deit, para Prezidente servisu Independentemente haree ba ema hotu, laos haree ba grupu ida deit.
Maibe kada organizasaun nee iha regras no prosedimentu nia manual tau ba nia para atu lao lo-loos nee mak nia estatutu, neebe kongresu ka asembleia FFTL nian hanesan aktus demokratiku ida. Desportu nee laiha influensia husi aktus politikus, aktus forsa nee iha desportu la konhese buat sira hanesan nee.
(mar)
