DILI, STLTIMORLESTE.com – Ministu Komersiu no Industria (MKI), Filipus Nino Pereira hasoru malu ho Embaixadora Xina iha Timor Leste, Wang Wenli hodi diskute kona-ba atividade komersiu entre nasaun Timor Leste ho Xina, atu bele asesu produtu ba iha merkadu Xina.
Ministru Komersiu no Industria (MKI), Filipus Nino Pereira hatete, ohin iha soru mutu ho Embaixadora Xina nian hodi diskute oinsa mak Governu Xina bele kontinua fo apoia liu-liu mai iha atividade sira kona-ba komersiu nian entre Xina no TL.
“Ita hatene katak merkadu Xina boot tebes, ita haree rute foun neebe mak husi ita nia aviaun Aero Dili semo ba ona iha Xina nian, nee hanesan oportunidade negosiu no posbilidade diak ida neebe mak ita bele halo para atu haree oinsa ita troka komersiu ho Xina bele iha vantajen, tanba durante nee produtu TL oituan deit mak tama iha merkadu Xina, tanba haree esplora posibilidade oinsa produtu agrikultura, produtu tasi bele hetan mos oportunidade ba iha merkadu Xina nian,” hatete Ministru Komersiu no Industria (MKI), Filipus ba jornalista sira iha Embaxador Xina, Tersa nee (18/02/2025).
Governante nee haktuir, ohin oportunidade diak tebes diskute ho Embaixadora Xina mos fo referensia lubuk ida, nunee nia husu mos iha kooperasaun insensivu presiza iha karta neebe formal para identifika produtu potensial TL nian neebe mak bele tama iha iha merkadu Xina nian.
Tanba foin lalais mos aproveita aviaun Aero neebe semo ba Xina, nunee lori mos produtu tasi nian hanesan boek tama iha merkadu Xina.
“Ita haree potensialidade produtu sira seluk hanesan aifuan neebe potensial inklui mos aimanas, ailia, kinor, aikanelaz, maek maske antes nee tama ona, ida neee sira presiza tebes,” dehan nian.
Governante nee informa, sei prepara produtu 10 hanesan nee, tanba sei iha edifisiu ida ba promosaun nian iha Makau, Honkong, Kondom, nunee sei prepara mos lista haruka mai iha Embaixada Xina nian, ba produtu potensial sira neebe mak iha, sira bele fasilita diak liu tan ou informasaun asistensia tekniku balu neebe sira fo para oinsa produtu bele esporta iha merkadu Xina.
Iha Fatin hanesan, Embaixadora Xina ba Timor Leste, Wang Wenli hatete, diskute loron ohin nee susesu tebes, diskusaun ida nee hanesan diskusaun kontinuasaun hafoin lansa rote Airo Dili, ho nunee enkontru ohin ne oinsa esplora potensialidade komersiu entre nasaun Xina ho Timor Leste hanesan nasaun amigu sei aplika zero taxa ba produtu hotu-hotu husi Timor Leste.
(joa)
