DILI, STLTIMORLESTE.com – Ministeriu Komersiu no Industria (MKI) sei estabele bibleoteka foun hodi fasilita funsionariu sira, buka informasaun ba iha Organizaun Mundial Komersiu (OMK) nian.
“Ita sei estabelese iha Ministeriu inklui mos bibleoteka ba komersiu nian, para ita iha livru informasaun neebe ligadu ba servisu OMK nian rasik, karik iha ASEAN nunee abitua ba ita nia funsionariu sira, iha vontade para bele buka informasaun, nee funsaun husi Bibleoteka Komersiu ba ida nee,” hatete Ministru Komersiu no Industria (MKI), Filipus Nino Pereira ba jornalista sira iha Salaun MNEK, Segunda nee (18/11/2024).
Nia informa, atu estabele Bibleoteka fulan oin, nunee iha inisiu Dezembru nee sei formasaun tekniku ba ekipa prinsipal sira neebe sei estabelese depois lao, formaliza bibleoteka sira nee.
Nia dehan, bibleoteka atu tau livru hanoin ba dokumentus livru nee barak, nunee buka fatin ida para funsionariu fokus oinsa tenke motiva sira para bele hatene prosesu negosiasaun Komersiu nee lao oinsa, karik mosu problema rezolve oinsa, tanba prinsipiu Industria OMK no ASEAN mos bazeia hotu ba konsensiu.
Governante nee haktuir, estabele Bibleoteka sei rai livru barak mak iha lingua Ingles, Português no lingua sira seluk bele fasilita diak liu tan funsionariu sira.
(joa)
