DILI, STLTIMORLESTE.com – Atu festeza loron boot Natal no tinan foun, Ministeriu Komersiu no Industria (MKI) iha planu sei loke bazar baratu.
“Ita iha bazar baratu, agora ita koopera ho asosiasaun emprezariu nasional nian neebe hatoo ona mai ami atu organiza bazar baratu nee,” hatete Ministru Komersiu no Industria (MKI), Filipus Nino Pereira ba jornalista sira iha Salaun MKI Bebora, Tersa (17/12/2024).
Governante nee dehan, bazar baratu parde sei loke iha loron 20 Dezembru tinan nee, tanba nee sei organiza hela, maibe kona-ba fatin seidauk desidi. Sasan sira neebe sei faan iha bazar baratu mak nesesidade bazika, presu sasan lao normal, maibe sei faan baratu oituan, atu nunee komunidade sira bele sosa.
Nia dehan, liu husi bazar baratu konserteza fo benifisiu ba komunidade laos hotu-hotu, maibe balun neebe kbiit la too bele aproveita bazar baratu nee hodi sosa sasan.
(joa)
