DILI, STLTIMORLESTE.com – Ministru Komersiu no Industria (MKI), Filipus Nino Pereira vizita direita Kompanhia Lijuramosxdaily Unipesoal Lda, neebe halo produsaun budu tasi no aifuan bele kria empregu ba joven Timoroan.
“Ita orgulhu inisiativa husi kompanhia Lijuramoscdaily Unipesoal Lda, neebe sira estabelese iha tinan 2023 hodi produs ai-haan neebe mak kualidade tebes, produtu ijeniku nebee produs mai husi ita nia agrikultor sira tantu mai husi budu tasi nian, nomos produtu aifuan sira, ita dehan produtu organiku sira transforma sai produtu ai-haan neebe mak nivel kualidade ba ema nia saude,” hatete Ministru Komersiu no Industria (MKI), Filipus Nino Pereira ba jornalista sira iha Fomentu I, Sesta nee (28/03/2025).
Tanba nee, MKI hakarak haree direita governu kontinua nafatin fo esperansa garantia katak atividades ekonomikus ida nee tenke lao iha ambite neebe mak seguru iha kompetetivu produktividade iha neeba, liu-liu mak sira diversifika ona ekonomia liu husi setor privadu sira no kompanhia nee hatudu ona kriasaun empregu, sira fo empregu barak ba joven sira liu-liu alin feto sira.
No importante tebes atu asegura mos oportunidade negosiu nomos asegura oportunidade servisu ba joven sira, importante liu sira garante ona merkadu ba produtu lokal budu tasi loron-loron sira sosa, sira kria ona linha garantia husi produsaun husi agrikultor budu tasi sira iha Atauro nomos Ulmera.
Governante nee dehan, produtu ida nee fator determinante katak bele garantia merkadu no garante mos ninia produsaun husi agrikultor sira aban bainrua sira bele dezenvolve tan negosiu nee ho fabrika neebe mak boot nunee presiza trabalhador barak.
Iha fatin hanesan, Empreza Lijuroscdaily Unipesoal Lda, Ussimali Amaral Moniz DA Silva hatete, produtu neebe produs distribui ba super merkadu iha Dili laran nomos esporta ba rai liur hanesan Amerika, Australia, Inglatera, Dubai, nunee sira gosta los produtu nee tanba vitamina iha laran diak tebes ba ema nia saude fo forsa.
Budu tasi mos hanesan multivitamina natural, neebe iha vitamina mineral no antiosidante sira ba isin inan no labariik, nunee mos aifuan.
(joa)
