DILI, STLTIMORLESTE.com – Ministru Negosiu Estranjeiru no Komerisiu (MNEK), Bendito Freitas aprezenta kompromisu no planu g7+ kona-ba forma futuru diak ba povu inklui hatoo agradesimentu ba pesoal emenensia g7+ Primeiru Ministru, Kay Rala Xanana Gusmão ho Prezidente Republika, Jose Ramos Horta, hanesan lider notavel no eroi notavel ida nee tau nia fuan rasik iha kriasaun g7+.
Ministru Negosiu Estranjeiru no Kooperasaun (MNEK), Bendito do santos Freitas iha nia Diskursu hateten, enkontru Ministerial g7+ nee ba dala 6 no aniversariu g7+ ba dala 15, ida Nee ho singnifika duni sai tanba tinan 15 ikus nee mosu hanesan lian ida neebe makaas ba estadu sira neebe frajil no afetadu husi konflitu neebe defende solusaun.
“Tinan 15 ikus nee mosu hanesan lian ida neebe makaas ba estadu sira neebe frajil no afetadu husi konflitu neebe defende solusaun sira neebe lidera husi nasaun, aprendizajen mutua no solidariedade, ita hotu hatudu ona katak maske dezafiu barak ita nia nasaun sira enfrenta, ita la define husi frazilidade, ita define husi ita nia determinasaun, ita nia esperansa no ami nia kompromisu atu forma futuru ida neebe diak liu ba ami nia povu,” dehan MNEK, Bendito iha Sentru Konvensaun Dili (CCD), Sesta (11/04/25).
Governante nee hateten, eventu ida nee mos reafirma ami nia kompromisu atu habelar ami nia lian rasik iha diplomasia no multilateralizmu nia laran, hodi defende prosesu sira foti desizaun nian neebe inkluzivu, durante COP29 iha Baku, Azerbaijan g7+ nia lian koletivu rezoan iha mundu tomak ho ami nia karta konjunta ba Sekretariu Jeral ONU nian neebe mak relata husi ajensia imprensa sira notavel.
Tanba nee knaar g7+ nian hetan rekonhesimentu internasional tanba asegura interese no nesesidade espesifiku sira husi nasaun sira neebe frajil no menus dezenvolvidu ba asuntu sira kona-ba mudansa klimatika.
Nia hatutan, lider nain rua nee halo ona kontribuisaun sira neebe folin laek no oferese ona apoiu neebe la nakdoko ba dezenvolvimentu no funsionamentu organizasaun ida nee nian, iha tinan hirak nia laran no sira nia lideransa vizionariu no kompromisu ba dame no estabilidade sai instrumental hodi forma g7+ ba orgaun influente ne’ebé ohin loron.
Nunee antes nia atu hakotu hakarak mos fo omenajen espesial ida ba Republika Serra Leoa ba ninia prezidensia dedikadu ba g7+ iha dekada ikus nee no nia kompromisu metin ba vizaun neebe fahe sai hanesan fonte forsa no unidade nian.
(EST 3)
