DILI, STLTIMORLESTE.com – Inspetores sira husi Edukasaun Munisipiu Dili nafatin halo monitoring ba implementasaun programa merenda eskolar iha eskola sira neebe lokaliza iha Munisipiu Dili.
Lia hirak nee hatoo husi Superintendente Edukasaun Munisípiu Dili, Cesarina C. Guterres ba jornalista STL, Sesta (20/02/2026).
“Ida nee mak hau hateten bazeia ba Servisu inspetores sira hotu nia observasaun katak, merenda eskolar iha ita nian eskola sira Munisípiu Dili nian lao normal. Wainhira kuandu eskola sira simu osan husi ME klaru ke merenda tenki lao ona. Tanba nee, ita nian eskola hotu merenda lao hotu ona,” katak nia.
Nia dehan, estudantes husi eskola idak-idak asesu ona programa merenda eskolar neebe mak daudaun nee lao ona iha sira nian eskola, nee duni parte inspetor sira nafatin halo monitoring ba programa merenda eskolar.
(jac)
