DILI, STLTIMORLESTE.com – Ministeriu Obras Publika (MOP) humutuk ho Banku Mundiál realiza workshop kona-ba jestaun no pedreiras.
“Atividades ida nee diak, tanba ita bele servisu hamutuk ho entidade relevante sira no mos ita nia parseiru sira husi ajensia internasional sira hodi haree ba ita nia kualidade dezenvolvimentu iha ita nia nasaun nee lao oinsa, ida nee mak ita hamutuk atu haree ba buat sira nee,” hatete Jestor Unidade Manajamen Konstrusaun, Milcar da Costa iha Hotel JL. Would, Metiaut, Dili, Sesta (04/04/2025).
Nia hatete, MOP mos atu haree prosedur husi Banku Mundial nee oinsa, atu nunee bele haree prosesu nee hanesan ka lae.
“Ita iha ona konfirmasaun katak, mezmu ita mai ho Banku Mundial nia rekonhesimentu, maibe ita nafatin apar hela regulamentu sira neebe mak antes nee iha ona,” nia esplika.
Nia hatutan, Unidade Jestaun Programa nee fokus liu ba projetu neebe mak hetan ona akordu.
“Durante nee ami tenke fo atensaun ba regulamentu sira neebe mai husi Governu nian no kompanhia sira neebe mak manas, tenke halo tuir tegulamentu neebe mak hakerek ona iha ita nia kontratu,” nia informa.
Iha fatin hanesan, Konsultor Ambiente Banku Mundial, Jose Paulo Pinto hateten, atividade ida nee foku liu ba jestaun pedreiras nian.
“Ita hotu hatene katak, durante nee ita uza hela material hanesan rai henek no fatuk, ita uza hela hodi halo konstrusaun sira ou dezenvolvimentu hanesan estrada, ponte no fasilidade sira seluk, entaun liu husi workshop ida nee bele dezamina informasaun sira nee ba publiku,” nia deklara.
Nia koalia, Banku Mundial mos halo aprezentasaun kona-ba rekezitus lubuk ida neebe mak durante nee ita empoin hela iha projeitu sira.
“Durante nee Banku Mundial haree mos katak iha impaktu pozitivu hanesan ita iha ona estrada neebe mak diak, no ita mos presiza haree mos impaktu negativu neebe akontese,” nia afirma.
(jen)
