DILI, STLTIMORLESTE.com – Ema moris ho sabedoria, haraik aan no umilidade, haraik aan sei nakonu ho Espiritu Santu lori justisa no dame iha familia.
Kestaun nee hatoo husi Padre Richardo Pasang SVD liu husi nia refleksaun ba loron Tersa (02/12/2025). Tuir Isaias 11 : 1 – 10 Lucas 10 : 21 – 24 no leitura ohin loron hanorin ema moris iha sabedoria no humilidade haraik.
“Leitura ohin loron konvida ita atu reflete kona ba sabedoria no mos humilidade haraik aan. Iha primeira leitura, ita rona kona ba lider ida neebe sei mai, neebe nakonu ho Espiritu Santu no sei lori justisa no dame iha ema sira leet,” dehan Padre Richardo Pasang.
Padre nee dehan, iha Evangelhu Jesus Kristy hahi nia Aman tanba subar hela sabedoria ba ema matenek sira maibe hatudu ba ema kiik sira. Nee duni, liu husi leituras ohin, Maromak hanorin pontu rua importante.
“Premeiru Sabedoria Maromak nian, Sabedoria Maromak nian sempre diferente ho sabedoria ita ema nian. Ema matenek sira dala ruma hahi sira nia aan tanba kbiit no matenek so deit sira nia esforsu rasik maibe Maromak hili atu hatudu Nia sabedoria ba ema kiik no haraik-an sira. Ho ida nee, Maromak hakarak hanorin ita katak sabedoria Maromak nian la bele sukat ho standar ita ema nian. Maromak nia hanoin la hanesan ita ema nia hanoin. Maromak nia sabedoria sempre halo ema hakfodak no admira,” dehan Padre nee.
Segundu umilidade haraik aan Jesus Kristu hahi nia Aman,tanba hatudu tiha sabedoria ba ema kiik no haraik-an sira. Ida nee hatudu katak haraik-aan humilidade mak save atu simu sabedoria Maromak nian.
“Wainhira ita rekonhese ita nia frakeza no limitasaun sira, ita sei bele simu sabedoria/grasa Maromak nian no transforma ita nia moris. Mai ita hotu husu Nai nia bensaun akompanha ita atu ita bele sai ema nebe haraik aan no pronto, nakloke-an atu simu Nai nia bensaun no sabedoria. Nai haraik bensa ba ita hotu,” katak nia.
Padre Riccardo husu nafatin ba sarani sira nafatin hatudu attitude neebe tuir nain Maromak nia hakarak bele sabedoria, grasa Maromak nian atu sai ema neebe haraik aan no prontu nakloke aan simu bensaun nai nian.
Jornalista: Emerenciana Pinto
Editora: CarmeXimenes
