DILI, STLTIMORLESTE.com – Ministeriu Publiku (MP) liu husi prokurador titular, alega arguidu ho naran inisial JCSP ho pena prizaun fulan 6, suspende ba tinan 2, tanba arguidu halo Krime Ofensa Integridade fizika simples hasoru lezada ho naran inisial JSCB.
Iha MP nia alegasaun, haree faktus sira nee los hotu, arguidu komete duni krime violensia domestika neebe ho ofensa integridade fizika hasoru lezada.
Tanba nee MP la iha duvidas ba prosesu nee, tanba arguidu nia hahalok nee prienxe duni ba elementu do krime Violensia domestika.
Nunee MP husu ba Tribunal atu aplika pena prizaun fulan 6 suspende ba tinan 2. Nunee mos tribunal husu ba arguidu katak durante periodu pena suspensaun nia laran la bele halo krime ba kualker ema.
Entretantu parte defeza husi arguidu Manuel Gonsalves husu ba tribunal atu tetu hotu ba sirkuntansia ida nee, tanba arguidu baku lezada nee tanba mis komunikasaun.
Ho ida nee husu ba tribunal atu aplika pena neebe adekuadu ba arguidu.
Tribunal rona tiha parte rua nee, tribunal adia julgamentu nee ba fali loron 31 Outubru, tuku 2:00 loraik atu rona desizaun.
Audensia julgamentu nee Prezide husi Juis Singular, Jose Gonsalves, Ministeriu Publiku Reprezenta husi Prokuradora Ivonia Maria Guteres, arguidu hetan asistensia legal husi Advogadu Privadu Manuel Gonsalves.
(ter)
