DILI, STLTIMORLESTE.com – Ministeriu Publiku (MP) prevee orsamentu iha tinan 2025 US$ 4,223,437 ba iha kategoria bens servisu, salariu bensimentu no kapital menor.
“Ministeriu Publiku nia orsamentu neebe atribui iha 2025 ohin aprezenta iha Komisaun A, orsamentu total aloka US$ 4,223,437, nee fahe ba kategoria salariu bensimentu US$ 3,277,759, depois ben no servisu cento cinco mil seiscentos cinquenta oito,” dehan Prokurador Jeral Republika, Alfonso Lopez ba jornalista sira iha Parlamentu Nasional, Kinta (24/10/2024).
Nia hatutan, kapital menor iha US$ 40,000, iha mos kapital dezenvolvimentu maibe kabe ba iha kompetensia KAFI nian.
Esplika tan, Ezekusaun orsamentu 2024 too iha 22 fulan Outubru 2024 atinji ona 77,22%, haree ho balansu besik ona kompromisu.
Nia dehan, montante osan aloka ba PJR iha tinan 2024, US$ 3,442,631, ita ezekuta ona maka US$ 2,582,889), mak por volta 77% nee.
Iha fatin ketak, Jurista Jose Maria Guterres dehan, Prokurador hanesan nain ba prosesu, tanba nee sira mos iha orsamentu hodi apoiu sira halao servisu.
“Hau hanoin Prokurador sira iha papel importante, hanesan nain ba iha prosesu, tanba nee iha mos finanseiru hodi apoiu sira halao servisu,” dehan nia.
(ter)
