DILI, STLTIMORLESTE.com – Ministru Petróleo Rekursu no Minerais (MPRM), Francisco Monteiro klarifka muda projetu 2 Planta LNG, Kadoras iha Beasu no projetu Petroquímicas iha Betanu, halo hotu iha Natarbora, atu nunee bele iha efisiente no efikasia.
Nia dehan, mudansa fatin projetu husi Beasu ba Natarbora nee laos akontese deit husi Beasu, maibe husi Betanu mos projetu ida iha neeba muda hotu ba Natarbora.
Muda projetu 2 nee ho razaun tanba Primeiru iha simerjia teknika nee katak, bele halo projetu nee efetivu no efisiente liu.
“Iha komponente projetu balun tuir loos tenke halo nafatin iha Beasu hanesan Planta LNG, Kadoras, nunee mos iha Betanu projetu Petroquímicas, maibe muda tanba hakarak konbina iha fatin ida, fatin neebe luan, agora laiha okupantes husi populasaun barak. Tanba nee iha fasilidade balu neebe bele partilha iha fatin hanesan nee”, esplika MPRM, Francisco Monteiro iha debate proposta OJE 2025, iha PN, Dili, Tersa (19/11/2024).
Membru Governu nee hatutan, razaun seluk mak komersial no finansial, liga ba poupansa neebe sei iha karik muda projetu uluk atu tau iha Beasu mai tau hamutuk iha Natarbora.
Ida nee iha tempu neebe koalia beibeik katak lakohi fo presaun beibeik osan husi Fundu Petróliferu (FP), entaun la presiza atu halo trosu auto Estrada ida ke bele gasta audisionalmente tenke gasta milhaun US$ 700.
Nunee mos tau tan ho bele dehan katak iha momentu neeba halo diskusaun ho populasaun sira bele dehan fo rekompensasaun milhaun US$ 500. Infelizmente ida nee mak akontese momentu neeba.
Tanba nee bele iha argumentu bainhira iha negosiasaun diak bele iha redusaun, maibe tanba nee sei tun naton.
“Bainhira kontinua nafatin projetu refinaria ho petroquímica iha Betanu, nesesita Kadoras dada kedas husi Suai mai too Betanu sei gasta too milhaun US$ 80, no kombinasaun ho portu ida iha neeba sei bele too milhaun US$ 300 resin”, nia argumenta.
Tuir nia, haree ba orsamentu sira nee hotu bele iha poupansa bilhaun US$ 1.3. Razaun tuir mai, haree ba jestaun ambiental, tanba konstrói iha fatin 2 diferente, entaun jestaun ba projetu 2 nee sei iha fundus balu neebe hasai, tanba nee mak halo iha fatin ida deit para bele halo mais efisiente no efikas ba jestaun sira hotu.
(gui)
