DILI, STLTIMORLESTE.com – Relasiona ho vizita Papa Francisco mai Timor Leste iha fulan kotuk liu ba, Ministeriu Saude (MS) fahe sertifikadu ba ekipa Saude Susesu Vizita Sua Santidade Papa Francisco mai prezide misa iha Tasi Tolu.
“Ita haree iha momentu neeba peregrinus sira barak tebes mak mai iha Tasi Tolu, Doutor Custodio de Jesus la sente kolen, nia nonok deit no hamnasa deit, maibe no fin hatudu rezultadu iha. Ita agradese tanba sempre iha ideia neebe mak inovativu, nia halo aprezentasaun ba Ekipa neebe mai husi Vatikanu no sira nia servisu hatudu rezultadu,” hatete Ministra Saude (MS), Elia A. A. dos Reis Amaral ba jornalista sira iha salaun Ministeriu Saude (MS) Kaikoli, Díli, Tersa (15/10/2024).
Nia dehan, Servisu Ekipa Saude ba iha peregrinu sira nee Ministeriu Saude involve mos Cruz Vermeilha no Instutisaun balun, neebe apoiu ba Prezidente Organizador ba vizita Papa nian iha TL. Hanesan ema hotu hatene 6000 resin peregrinus nee laos buat kiik ida, maibe ekipa susesu sira bele atende ho diak no sira esforsu hodi serrvisu ho diak, ema kritika maibe sira hatudu duni rezultadu diak.
Iha fatin hanesan, Prezidente Organizador Ekipa Susesu Sua Santidade Papa Francisco, Custodio de Jesus informa, servisu ida laos nia parte mesak deit, maibe ho ekipa profisional saude sira hotu.
“Servisu ida nee laos hau mesak, maibe hau agradese tebes ba ekipa husi profisional Saude sira nian, no misaun ida ami simu nee iha semana tolu ho balun deit, maibe ema barak hatete katak, ita labele halo atendimentu ba peregrinus barak hanesan nee, maibe nee ita nia rai, agradese ho ita nia mediku neebe ita hili paz tebes ba Ekipa Saude Nasional hili mak “Imanuel” siknifika Maromak hamutuk ho Ita,” nia dehan.
Nia deklara, ekipa saude nasional simu nomeiasaun husi Ministra Saude (MS), Elia A.A. dos Reis Amaral, sira hanoin katak, saida mak sira nia forsa, forsa mak sistema, suplai, staf no seluk tan.
(jen)
