DILI, STLTIMORLESTE.com – Governu liu husi Vise Ministru Saude (MS) ba Operasionalizasaun Ospitál (VMSOO), Flávio Brandão Mendes de Araújo husu Diretora Ezekutivu Instituto Nacional de Farmácia e Produtos Medicos Timor Leste (INFPM) tenke halo linha koordenasaun ho Diretór hospital sira atu pro ativu halao servisu ba medikamentu nian.
“Hau alerta ba Diretor Ezekutivu INFPM halo koordenasaun ho diretór hospitál sira atu pro ativu halao servisu, labele dehan aimoruk sira nee la iha hela deit, tanba aimoruk sira neebe ita sosa balun sei iha dalan mai maibe ita mos tenke iha rezerva sira nee, atu utiliza ba nesesidade neebe mak emerjensia,” hatete Vise Ministru Saude (MS) ba Operasionalizasaun Ospitál (VMSOO), Flávio Brandão Mendes de Araújo ba jornalista sira, iha INFPM Kampu Alor Dili, kinta feira (02/10/2025).
Nia dehan, iha servisu barak neebe mak ladun efetivu, tanba iha meius komunikasaun sira no koordenasaun sira, maibe nafatin servisu ba saude ida neebe diak.
Governante nee esplika, aimoruk laiha mak pasiente ida mate, ida nee kulpa ema ne’ebé halo desizaun .
“Durante hospital referal no rejional sra nia preokupasaun katak sistema birokrasia halo aimoruk laiha mak pasiente ida mate, ida nee kulpa ema neebe halo desizaun nee, laos profisionál saúde deit, maibe nee responsabilidade ba nia aan, nia ho Maromak hotu, se aimoruk nee iha hela depois ita dehan la iha, depois aimoruk nee la iha ita dehan iha, nee pekadu boot,” nia Informa.
Nia fiar katak tenke konsesializa malu ba responsabilidade sira iha fatin serrvisu, tanba nee ba oin tenke presiza servisu hamutuk sai forte, nunee servisu sira nee lao ho diak.
“Tanba nee hau apela ba dirijente sira atu la bele tau aan hanesan dirijente ida neebe mak hatene tur, maibe nia tenke lao ba buka no halo koordenasaun ho dirijente iha institasaun, ida nee mak meius simples neebe mak ita halo, maibe ba oin sei sai diak liu tan,” nia afirma.
Jornalista: Jeniche da Costa
Editor: Xisto Mendonça
