DILI, STLTIMORLESTE.com – Governu liu husi Ministeriu Saude (MS) servisu hamutuk ho Menzies no World Mosquito Program (WMP) lori ona susuk ho tipu Aegypti 943 no Aedes Albopictus 8 ba Australia, hodi halao introdusaun bakteria How Wolbachia ba susuk hirak nee, depois lori mai husik iha komunidade nia leet atu bele redus numeru kazu dengue, zika, chikungunya no yellow fever iha Timor Leste (TL).
“Ita atividade Wolbachia iha TL, tinan hira liu ba ita halo ona survei ida neebe husi ekipa unidade malária, nomos ekipa etomolojia ho Menzies TL, ita halo survei ida hodi tau lasu ba susuk sira no kaer susuk 943. Susuk ho tipu Aedes Aegypti nomos ho susuk Aedes Albopictus 8,” dehan Diretor Nasional Prevensaun no Kontrolu Moras Iha Ministru Saude (MS), Florindo Gonzaga ba jornalista sira iha MS, Sabadu (07/12/2024).
Nia tenik, liu husi susuk 943 nee haruka ba iha Australia, sira halo fali introdusaun bakteria How Wolbachia susuk hirak nee, depois susuk hirak nee halo reprodusaun iha neeba no nia tolun 6000 resin, depois susuk hirak nee mak ita sei lori mai husik fali iha komunidade nia leet hodi impede nomos redus numeru kazu dengue no zika, Chikungunya no yellow fever.
Nia dehan, ho nunee susuk Aedes Aegypti ho Aedes Albopictus 8 neebe mak iha TL halao atividade How Wolbachia neebe mak iha.
Iha Abril 2022, Ministeriu Saude servisu hamutuk ho Menzies no World Mosquito Program (WMP) halo ona workshop kona-ba Wolbachia iha Dili. Iha Agostu no Setembru 2022 MS servisu hamutuk ho Menzies no World Mosquito Program (WMP) hodi halo entomolojikál Baseline survei iha Dili.
(jen)
