DILI, STLTIMORLESTE.com – Ministeriu Turizmu no Ambiente (MTA) liu husi Diresaun Nasional Peskiza no Estatistika (DNPE) halo peskiza online kona-ba perspetiva Timoroan sira nian kona-ba setor Turizmu iha Timor Leste.
“MTA liu husi Diresaun Nasional Peskiza Estatistika (DNPE) hatoo ba publiku katak, agora daudaun ita halo hela peskiza online, foin primeira halo aprosimasaun ida nee, iha peskiza oin rua perspetiva Timoroan sira nian kona-ba setor Turizmu iha TL no halo negosiu iha Turizmu nian,” hatete Diretor Nasional Peskiza Estatistika, José Quintas liu husi Konferensia Imprensa, neebe halao iha Sentru Informasaun Turistiku Lecidere, Kuarta nee (20/11/2024).
Nia dehan, peskiza rua nee halo ona lansamentu iha tinan kotuk servisu hamutuk ho South Pasific Tourism Organization (SPTO), nunee mos TL sai membru ba Organizau ida nee iha tinan 2014, peskiza nee apoiu finanseiru husi Governu Nova Zelandia, tanba nee peskiza lao daudaun hela fo oportunidade ba Timoroan tomak iha Munisipiu 13 inklui RAEOA, bele hola parte iha peskiza online nee importante tebes ba governu liu-liu MTA, tanba desizaun foti bazeia ba evidensia.
Oinsa atu hola parte iha peskiza nee liga ba negosiu Turizmu nian no perspetiva Timoroan sira kona-ba setor Turizmu iha TL, nunee durante fulan rua haree rezultadu fatin sira masimu ka lae, nunee halo evaluasaun modalidade peskiza nee efektivu tebes, la gasta orsamentu barak, la uza rekursu barak nunee halo deit online, tanba agora era dizitalizaun.
Tanba TL atu tama ASEAN buat sira nee imporante tebes, nunee komesa modelu aplikasaun online survei monkey bele uza QR link, hahu Share ona Facebook ofisial Diresaun Nasional Marketing nian, para kontinua share informasaun too iha Munispiu sira no Timoroan iha rai liur bele asesu, sira nia perspetiva Timoroan nian kona-ba Turizmu iha TL.
(joa)
