DILI, STLTIMORLESTE.com – Eskola husi munisípiu sanulu resin ida mak too agora seidauk implementa programa merenda eskolar, tanba ho razaun sei hein proposta husi SEM ba Prezidente Auroridade Munisípal.
Haktuir Xefi Departementu Programa Merenda Eskolar iha ME, Belchior Maria Almeida Barros ba jornalista STL, Kinta nee (22/01/2026).
“Agora daudaun foin Baukau mak merenda lao ona iha segunda nee, maibe ita nian munisipiu seluk seidauk implementa programa nee, autoridade Administrasaun Atauro no RAEOA mk seidauk implementatanba ho razaun ida katak, sei prepara proposta, husi servisu munisipal edukasaun ba prezidente autoridade munisipiu,” dehan nia.
Nia akresenta, kona-ba menu ba programa merenda eskolar neebe mak halao iha eskola idak-idak, liu-liu iha nivel ensinu baziku, filial no pre eskolar sira nee depende husi munisipiu idak-idak nian implementasaun.
Iha sorin seluk, Diretor EBC Manleuana, Carlos Correia dehan, kona-ba programa merenda eskolar too agora seidauk lao iha sira nian eskola, tanba tinan ida nee halo ona mudansa hodi halakon ona grupu EJP sira, eskola mak jere fali programa ida nee.
“Agora ita nian grupu EJP laiha ona, nee duni osan ba programa nee GAT mak foti, depois bolu fali eskola filial sira nee mai foti osan ida nee, maibe EBC Manleuana rasik seidauk foti osan ida nee, tanba seidauk asina, nee duni atu foti oinsa,” nia afirma.
(jac)
