DILI, STLTIMORLESTE.com – Emprezariu, CEO Aero Dili, Lourenco de Oliveira hatoo agradese ba Prezidente Timor Leste nomos Prezidente Xina, tanba tinan kotuk hasoru malu iha akordu ida katak AERO Dili semo ba Xina no buat hotu kumpri ona, durante tinan ida Aero Dili semo ba Xina, buat hotu lao diak.
Emprezariu no Nain Ba Aero Dili, Lourenco de Oliveira ba jornalista sira iha Palasiu Prezidensial, Nicolau Lobato, Bairru Pite, Dili, Segunda (22/09/2025) hatete, AERO Dili semo ba Xina tinan 1 ona buat hotu lao diak, tanba nee nia hatoo agradese ba Prezidente nain rua.
Nain ba Aero Dili dehan, ohin hasoru Prezidente tanba tinan kotuk liu ba Junhu hasoru malu ho Prezidente Republika, hasoru malu ho Preziente Xina, hakarak loke Rute ba Xina no loke halao tiha ona, sira iha Aeroportu Xina simu Timor Leste ho diak, too agora serbisu hamutuk durante tinan 1 resin, no sira mos hakarak aumenta tan Flight ba semana ida dala rua depois ba fatin rua.
“Momentu Prezidente nain rua hasoru malu iha Junhu tinan kotuk ba, para loke rota Timor semo ba Xina, ami ba iha neeba konhese malu diak sira hakarak mai vizita fali iha nee, ami mos louva ho Prezidente tanba sira nia liafuan neebe uluk sira hasai iha tinan kotuk neeba ami halao hotu ona husi Timor mos halao no sira mos halao,” dehan Nain ba Aero Dili nee.
Nia dehan, agora dadaun mos atu prepara hela semo tan husi Dili ba Foutsouh semana ida semo dala rua, no Dili Seam dala rua ida nee diak tanba ema mos bele mai Timor Leste no Timoroan mos bele bai ha rai seluk.
“kona-ba semo ba Dili- Xina aviaun nakonu hela deit, maibe buat ida hau atu hatete ema lori osan mai ita ida osan laiha nee tauk fali nee, inves ema riku mak tau ita mak tau fali ema riku sira, sira mai barak liu sira gasta barak liu tuir hau nia haree,” katak nia.
Nia hatete, mai hasoru malu Prezidente Republika hatoo deit agradese, tanba antes nee Prezidente Timor Leste hasoru malu ho Prezidente Xina no nain rua iha konkordansia katak Aero Dili Semo ba Xina, tanba nee bainhira semo ba Xina simu ho diak,
Entretantu iha tinan kotuk Aviaun Komersial Empreza Timoroan nia Aero Dili ho bandeira RDTL halao lansamentu vou Direita Dili Xiamen Xina no husi Xina Xiamen mai Dili, no lansamentu dahuluk nee lansa husi Prezidente Republika, Jose Ramos Horta akompanha husi Ministru telekomunikasaun, Miguel Marques ho MNEK, iha fulan Febreiru 2025.
Jornalista: Emerenciana Pinto
Editora: Carme Ximenes
