DILI, STLTIMORLESTE.com – Dekanu Fakuldade Ekonomia UNPAZ, Caetano C. Correia hatete, natar barak mak abandona tanba irigasaun, tan nee husu Ministriu Agrikultura Pekuaria Peskas no Florestas (MAPPF) hadia Irigasaun.
Nia dehan, natar neebe abandonadu iha Maliana, Manatuto , Viqueque iha Munisipiu barak neebe moris ho Natar, maibe.
“Ita nia governu seidauk esforsu aan makaas Sira halo hela, maibe la esforsu makaas atu atinji metas ba Ita agrikultor nee rasik, tanba Ita hare iha Maliana kuaze natar, maibe abandonadu laiha bee Irigasaun atu nunee fo suspensa ba ita nia agrikultor nee para bele atu bele halo atividade agrikultor,” hatete Caetano ba STL iha UNPAZ, Kuarta nee (14/1/2026).
Tanba nee sira halai natar iha tempu udan ben entaun halai natar, depois udan hare koa natar abandonadu hela, labele halo buat seluk.
Ita kompara ezemplu iha Indonesia agrikultor iha natar wainhira koa ona hare sira kontinua kuda buat seluk hnesan formungu no seluk tanba para bele produs fali iha fulan 3 ou 4 nia laran.
Nia dehan, hodi bainhira hare iha Suai lao diak, tanba natar hare koa hotu kontinua kuda formungu, nunee iha tinan Ida bele produs buat rua.
“Maibe agora la akontese iha agrikultor sira, tanba nee hatete katak natar nee hau hatete natar nee Ita abandonadu,” dehan nian.
Tanba nee governu liu husi MAPPF tenke tau atensaun ba iha irigasaun tenke diak halo kanalizasaun bee ba iha natar sira, atu komunidade iha Munisipiu halo natar nee atividade lao nafatin atu nunee bele hamenus ona fos importasaun.
Se lae TL nafatin pendente ba fos importasaun, governu gasta osan barak sosa fos husi liur, maske MAPPF konstrusaun ba Irigasaun balun Lao, maibe seidauk esforsu makaas para bele atende nesidade.
“Tanba ita agora pendente ba fos importasaun se karik buat ruma fos lamai, ita hakilar fos laiha serake Ita iha hela rai natar ita bele produs fos, tanba saida mak tenke tau atensaun ba iha Irigasaun para bee bele kanaliza ba iha natar sira.
Nia dehan, iha Manatuto agora natar sai uma Ida nee governu tenke tau atensaun ba Ida nee, area neebe perioridade ba natar governu tenke halo mekanismu para bele impende ba ema neebe halo pertamanina iha natar laran estraga ona ita nia agrikultor sira labele halo atividade natar, ita mos labele hetan ona fos neebe produs husi ita nia agrikultor sira.
(joa)
