COVALIMA, STLTIMORLESTE.com – Husi Suku Camanaca, Munisipiu Covalima natar hektares 87 abandona tanba laiha bee hodi halai natar, tanba nee husu Governu hadia irigasaun.
Kestaun nee hatoo husi Xefe Suku Camenaca, Fernando Noronha ba jornalista sira iha Covalima, Sesta (27/02/2026).
Nia hatete, komunidade sira iha natar maibe labele halo tanba bee laiha, tanba nee husu Govvernu bele hadia irigasaun nunee komunidade sira uza halai natar.
Xefe Suku hatete, komunidade maioria moris ho agrikultura no peskas pekuariu maizumenus iha 85% nee sidadaun moris hanesan agrikultor.
“Iha Suku Camenaca hau liga oituan ba iha irigasaun laiha no balun irigasaun iha maibe bee mak laiha, entaun natar kuaze abandona.
Natar abandona tanba bee mak menus, natar neebe abandona nee natar kuaze iha hektares 87 abandona, entaun agora komunidade halo toos hotu.
Sira labele halo natar tanba bee laiha, tanba nee komunidade sira hili dalan halo toos hodi kuda hahan seluk sustenta moris loron loron.
”Aldeia haat nee bee ba natar laiha hotu no 87 hektares nee kuaze iha Aldeia 3 Fatuisin Mannequin ho Ailok laran,” katak Xefe Suku.
Nunee mos Lia Nain Manequin, hanesan mos komunidade, Francisco Goncalves Babo hatete, iha sira nia Aldeia Manequin natar neebe abandona hektares 20 tanba laiha irigasaun.
“Ami natar iha maibe laiha irigasaun no laiha bee, neebe durante nee ami halo deit mak toos natar sira nee, tanba nee husu Governu liu-liu IX Governu bele loke netik irigasaun para ami bele halo natar, rai nee purvolta 20 ital hektares, tanba nee ami husu Governu loke netik estrada nunee bele halo natar,“ dehan nia.
Lia Nain Suku Camenaca nee hatete, durante nee sira labele halo toos ho natar tanba bee laiha, tanba nee husu IX Governu Konstitusional atu bele tulun hadia netik irigasaun nunee tulun komunidade sira bele halo natar.
“Ami natar iha maibe bee mak laiha, tanba nee mak abandona deit, se atu halo natar entaun bee tenke dada husi mota mak bele,” katak nia.
Komunidade Suku Camenaca total populasaun 5.113 suku nee kompostu iha Aldeia 4 mak aldeia Samfuk, Fatuisin, Manequin, ho Ailok laran. Komunidade maioria moris ho Agrikultura no peskas.
(eme)
