DILI, STLTIMORLESTE.com – Daudaun nee negosiante Obralan (OB) iha Merkadu Taibesi halerik rendimentu, tanba loron ida hetan deit US$ 1 too lokraik, tanba komprador menus.
“Ami negosiante obralan neebe faan iha Merkadu Taibesi kontinua halerik hela rendimentu, tanba la hanesan loron baibain, agora dader too lokraik ropa ema la hola,” hatete Negosiante OB, Judita dos Santos Colo ba STL iha Merkadu Taibesi, Tersa (29/10/2024).
Nia esplika, OB iha Merkadu Taibesi la folin, tanba nee sira la loke ropa foun, maibe kontinua faan.
Iha fatin ketak, Negosiante Obralan iha Merkadu Manleuna, Abelita dos Santos Monteiro dehan, OB iha Merkadu Manleauna mos la folin ona, nia rasik la hatene tanba saida mak ropa la folin, maibe uluk nee ropa folin tebes, foin faan loron ida osan inan fila ona.
Nia deklara, Negosiante iha Aimutin no Komoro, Merkadu Sengol Bidau mai bou hamutuk iha fatin ida, tanba nee haree rendimentu fahe ba rua tolu, entaun loron ida hetan deit mak 0,50 too US$ 1 deit.
(jen)
