DILI, STLTIMORLESTE.com – Nivel edukasaun no esperiensia, buat rua neebe importante no tenke sai balansu ba manorin nain sira bainhira atu hanorin estudante.
Tanba iha nivel neebe aas presiza pratika, no bainhira pratika baseia ba teoria ka konesimentu neebe iha.
Tuir Professora Eskola CAFE Maliana, Augusta Coe Mali katak, nivel edukasaun no esperensia nee importante no tenke sai bálansu ba manorin nain sira. Hanesan atu hanorin iha nivel secundariu, nee tenke grau lisensiatura, tanba secundario nia nivel siencia aas la hanesan ho siclo seluk no manorin neebe hanorin sekundariu mos tuir ninia area neebe nia estuda.
“Hau hanoin buat rua nee importante hotu tanba haree ba níivel iha teoria mak barak, no esperiensia pratika mak barak. Maibe parte rua nee tenke iha balansu tanba iha nivel neebe aas presiza pratika, no bainhira pratika baseia ba teoria ka koñesimentu neebe iha,” dehan nia ba STL, Kinta (05/02/2026).
Tuir Nia, Baicharelatu bele hanorin deit pré – escolar’, 1⁰ no 2⁰ ciclo tanba sira nia konesimentu adekuadu liu ba nivel sira nee.
Nia hatete, lisenciatura sira neebe hanorin TK ka Pre – escolar sira nee, tanba sira iha formasaun ba iha ensinu Pre – escolar nian nomos sira hasai grau lisenciatura nee iha duni formasaun ba pré – escolar nian.
” Maibe ita haree iha ita nia nasaun Timor Leste, manorin ho deit nivel secundariu mos bele hanorin Pre 1⁰ no 2⁰ ciclo, no iha mos nível baicharelatu mos bele hanorin secundario tanba deit sira iha esperiensia,” dehan nia.
Nia katak, neebe nivel edukasaun no esperensia, buat rua neebe importante no sai bálansu ba manorin nain sira hodi hanorin estudante sira.
(dom)
