BAUKAU, STLTIMORLESTE.com – Diresaun Konservatoriu Servisu Rejistu Notariadu Munisipiu Baukau prioridade liu atende sidadaun sira neebe atu halao sira nia viajem ba rai liur.
Diretora Diresaun Konservatoriu Servisu Rejistu Notariadu Munisipiu Baukau, Justina das Neves Mendonça hateten, daudaun nee Diresaun Konservatoriu Servisu Rejistu Notariadu Munisipiu Baukau.kontinua simu sidadaun sira hotu neebe atu trata dokumentus sertidaun nasimentu no seluk tan, maibe liu liu sertidaun nasimentu Diresaun Konservatoriu Servisu Rejistu Notariadu Munisipiu Baukau nia atendimentu ba sidadaun emprime uluk orikinal ba sidadaun sira neebe atu halao viajen ba rai liur no sidadaun sira neebe atu uza deit iha rai laran, tekniku sira sei emprime deit sertidaun nasimentu provizoriu.
“Kona-ba sertidaun nasimentu original neste momentu ita sei perioridade ba ita nia sidadaun jovem sira neebe mak atu ba rai liur, entaun ami fo original ba sira nee periodade liu nomos ita nia nia sidadaun sira neebe moras atu ba halo tratamentu iha rai liur ita fo original ba sira,” hateten Justina das Neves Mendonça ba STL iha nia knaar fatin Vila Nova Baukau, Tersa (27/01/2026).
Nia afirma, razaun Diresaun Konservatoriu Servisu Rejistu Notariadu Munisipiu Baukau emprime sertidaun nasimentu original ba sidadaun neebe atu halao viajem ba rai liur, tanba sistema iha nasaun seluk sidadaun estranjeiru tenke hatudu dokumentus original.
Nunee Notariadu tenke emprime original ba sira nunee labele prejudika sira nia viajem, maibe sidadaun sira neebe atu uza sertidaun nasimentu iha rai laran, parte tekniku sei emprime deit sertidaun nasimentu provizoriu.
“Ita sira neebe uza iha rai laran hein oituan, ita nia Governu kapasidade too fo ona mai mak ita foti, laos blaku mak laiha, blaku iha maibe ita responde uluk lai ba nesesidade,” Justina komenta.
Diretora nee argumenta, mezmu Diresaun Konservatoriu Servisu Rejistu Notariadu Munisipiu Baukau prioridade emprime sertidaun nasimentu original ba sidadaun sira neebe atu halao viajem ba rai liur, maibe sidadaun refere prezisa mos hatudu dokumentus komprovativu no priense dekalarasaun.
Kona-ba trata pasaporte nian iha Diresaun Konservatoriu Servisu Rejistu Notariadu Munisipiu Baukau kontinua lao hanesan baibain, maibe kona-ba bilhete identidade daudaun nee Diresaun Konservatoriu Servisu Rejistu Notariadu Munisipiu Baukau labele emprime orijinal fo ba sidadaun, tanba makina fargon avaria, maibe sidadaun sira neebe prezisa bele trata iha Balkaun Uniku, tanba iha blanku orijinal.
(tom)
