DILI, STLTIMORLESTE.com – Governu Australia ho Povu Nova Zelandia liu husi Conselho dos Combatentes da Libertação Nacional (CCLN) Hand Over ekipamentus saúde nia ba Sentru Tratamentu Saude Veteranos David Alex Daitula Baucau, hodi atende ba povu.
Visi Ministru Saude hatoo agradese no ohin halo serimónia Hand Over Ekipamentus Saude husi Australia no Nova Zelandia liu husi Ministeriu Saude (MS) ba Sentru Tratamentu Saude Veteranos David Alex Daitula Baukau nian.
“Importante tebes ba ita atu estuda oituan oinsa mak papel CCLN nian ho espíritu koletividade bele haree mos asuntu saude, so uniku Baukau mak Veteranus sira koko para hamoris ona ospital ida ho diferente neebe mak iha mahon CCLN ninia,” hatete Visi Ministru ba Operasionalizasaun Ospitál (VMOH – sigla portugués) dr. Flávio Brandão Mendes de Araújo ba jornalista sira iha Salaun CNCV, Bee Duku Manleuna, Kinta (29/05/2025).
Nia tenik, iha tempu hanesan iha 20 anos Ministériu Saúde konhese mos harii sistema saude neebe mak too iha baze, maibe inisiativa neebe mak CCLN iha mantein nafatin ho espíritu nee.
“Hau enkoraja para ba oin mantein nafatin espíritu nee, tanba tinan ida nee mos MS iha ona planu estratejiku dezenvolvimentu ospitais, ho prezensa vizaun estratejiku ospitais iha ita nia rain, hau enkoraja para klínika neebe mak konsege ita harii ona hanesan iha Baukau bele sai modelu iha ho kareter neebe mak diferente oituan ho governu,” nia informa.
Nia hatutan, fiar katak veteranus mos iha rekursu sufisente no komunikasaun lao nafatin, no haree diskusaun neebe produtivu atu suporta sistema sira neebe mak iha bele diak no hetan desizaun diak ba estatutu Klinika Veteranus neebe mak instala ona iha Baukau.
“Hau agradese Nova Zelandia neebe mak suporta ona ita liu husi CCLN,” nia koalia.
Iha fatin hanesan, Prezidente Administrasaun CCLN, Vidal de Jesus “Riak Leman” deklara, apoiu husi Nova Zelandia laos foin maibe beibeik ona, no CCLN sei kooperasaun diak liu ba futuru diak liu tan.
“Ami fo abrigadu tebes ba Australia ho Nova Zelandia, relasaun sei metin nafatin, no apoiu sira nee ami agradese tebes, sei bele mós apoiu aimoruk nomos buat sira seluk mos ami simu,” nia deklara.
Nunee Embaixadora Timor Leste ba Nova Zelândia, Felicidade Guterres esplika, Nova Zelandia sempre fo apoiu ekipamentus saúde nian ba Ministeriu Saude nomos ba Sentru Tratamentu Saude Veteranos David Alex Daitula Baucau.
“Ekipamentus nee ita apoiu ba Sentru Tratamentu Saude Veteranos David Alex Daitula Baucau, ba futuru ita sei husu aimoruk, neebe hau nota hela sira mai fali hau husu tan aimoruk, maibe prosesu nee mak rumit oituan, maibe hau haree sasan nee too ohin,” nia afirma.
Entretantu ekipamentus neebe mak veteranus sira apoiu hamutuk item 220, kompostu husi items Hospital Supplies, Hospital beds ho number 8 off, Gross weight 1050,Hospital bed mattress number 8 off, Gross weight 1050.
Hospital mattress protectores, number 1 cage, Gross weight 920, Hospital linen-sheets, number 133 bundles , Gross weight 1030, Hospital linen-assorted, numeru 7 pallets, Gross weight 1200.Blankets/ doonas, number 2 cages, Gross weight 612, Laundry/ bags, number 1 cage, Gross weight 810, Hospital Supplies-assorted, number 20 pallets, Gross weight 950, Hospital Supplies-assorted ,number 8 boxes, Gross weight 920.
Sugical gowns, number 4 coges, Gross weight 930, Sigical Gowns-plastic, number 1 cages, Gross weight 800, Staff Scrubs, number 8 tubs, Gross weight 898, Staff Scrubs, number 1 pallets, Gross weight 750, Crutches, number 14 prs, Gross weight 830, Surgical tools and equipment, number 4 item, Gross weight 720, ho totál 220 item, no ekipamentus nee sei fo apoiu iha Munisípiu hitu mak hanesan, Munisípiu Baukau, Vikeke, Lautem, Ainaro, Bobonaro no Munisípiu Dili.
(jen)
