DILI, STLTIMORLESTE.com – Novembru Ministériu Administrasaun Estatal (MAE) sei distribui motorizda 2 kada suku.
Diretor Jeral Desentralizasaun Governu Lokal (DJDGL), Antonio Agustinho Guterres hatete, distribuisaun motorizada ba Xefi Suku sira prosesu aprovizionamentu hotu ona, agora iha ona diresaun Patrimonia, nunee bele haree tau xapa matrikula.
“Hein Novembru ita bele distribui ona, no motor nee ita fahe kada suku ida motor 2, boot ida kiik ida, ida ba Xefi Suku ida seluk ba servisu operasional ba funsionamentu no jestaun administrasaun suku, neebe kona-ba orsamentu nia ladun lembra”, katak Diretor Jeral Desentralizasaun Governu Lokal (DJDGL), Antonio Agustinho Guterres ba jornalista sira, Segunda (14/10/2024) iha ETDA.
Enkuantu kona-ba vistuariu ba suku nian, iha ona manan tender sukat, agora haree ba nia modelu no nia kualidade hena, neebe orsida sei haree hodi bele defini modelu vestuariu nee.
(gui)
