DILI, STLTIMORLESTE.com – Previzaun tempu ba loron Sesta (30/01/2026), velosidade anin ba loron ohin sei kontinua persiste intensifika liu tantu iha rejiaun kosteiras kuantu iha rejiaun montanhosa (foho), iha neebe sei huu ho velosidade forte ba forte liu ou extremu (21-42 km/h) iha kuaze territoriu nasional.
Tuir informasaun neebe STL sita husi pajina ofisial Diresaun Nasional de Meteorologia e Geofisica (DNMG), Sesta (30/01/2026) hatete, velosidade anin ba loron ohin sei intensifika liu iha rejiaun kosteiras/tasi ibun, kuantu iha rejiaun montanhosa liu-liu iha munisipiu sira hanesan Likisa, Dili, Atauro, Covalima, Manatuto, Manufahi, Baucau no Lautem inklui RAEOA. Neebe sei huu ho velosidade forte ba forte liu/extremu (21-42 km/h) iha kuaze iha territoriu nasional.
Entertantu kondisaun laloran tasi fo atensaun ba iha Kosta Sul. Laloran tasi nia aas ba loron ohin sei intensifika liu, iha neebe sei varia husi husi moderadu/naton ba forte (1.3-1.7 m) iha Kosta Norte kuantu iha Sul, enkuantu iha Kosta Norte, kondisaun refere sei varia husi normal ba moderadu (1.1-1.3 m).
Kondisaun tempu atensaun bá udan ba ho intensidade fraku ba moderadu/naton (>5 mm/dia) iha Rejiaun Central no Oeste (Aileu, Ainaro, Bobonaro, Dili, Likisa, Atauro no RAEOA inklui parte Leste Manatuto.
(dom)
