DILI, STLTIMORLESTE.com – Governu ho Parlamentu Nasional (PN) halao debate ba proposta Orsamentu Jeral Estadu (OJE) 2025 ho montante Orsamentu Bilhaun U$S 2.167, neebe ho tema investimentu iha Infraestruturas Estratéjikas, Reforsu iha Ekonomia no Melhoria Bem-Estar Sidadaun sira nian.
Iha Diskursu Primeiru Ministru (PM), Kay Rala Xanana Gusmão hatete, governu iha ninia preparasaun orsamentu ba tinan 2025 too 2029, hakarak atu dudu nafatin dezenvolvimentu sosial, ekonómiku no mós iha infraestruturas, hodi apoia hadia nível de vida povu nian. Sei kria kondisaun atu povu idak-idak bele hetan progressu ho alegria, ho estabilidade no harmonia iha nível hotu-hotu.
No ohin bele dehan iha hela momentu krusial ba nasaun nia istoria, Orsamentu Jeral Estadu ba tinan 2025 neebe aprezenta laos halibur deit numerus hodi halo verbas oin-oin, OJE ida nee lo-loos sai hanesan deklarasaun de intensaun ida vizaun neebé barani ba futuru no matadalan konkretu ida atu hasoru dezafiu no aproveita oportunidades.
“Tema Investimentu iha Infraestruturas Estratejikas, Reforsu iha Ekonomia no Melhoria Bem-Estar Sidadaun sira nian hakarak hatudu kontratu sosial nee. Ho orsamentu nia total neebe ami propoin hamutuk 2 bilhaun 617 milhaun de dólares amerikanos, ami sei hakaas aan atu fo hakat neebe diak, hodi hadia servisu publikus, nunee impulsiona kresimentu ekonómiku, no harií bazes ba futuru neebe prosperu”, deklara Pmeiru Ministru, Kay Rala Xanana Gusmão, bainhira debate proposta OJE 2025, iha Parlamentu Nasional, Kuarta (06/11/2024).
Orsamentu ida nee tuir Xefe Governu katak, halo ho hanoin atu garante katak sidadaun hotu-hotu bele hetan benefísiu husi rezultadus do
kresimentu no dezenvolvimentu iha Timor la haree ba fatin moris ka hela no la haree ba idak-idak nia pozisaun sosial, ida nee mak bolu orsamentu ba povu no husi povu iha tinan kotuk PM koalia ona, 2024 sei sai nuudar tinan atu korrije tiha frajilidades no irregularidades neebé hetan iha instituisaun sira nia laran, iha sistemas no prosesu públika nia laran.
Ohin hakarak dehan katak, ba tinan mai nee, sáida mak ami sei buka halo mak 2025 sai tinan ida ba implementasaun husi programas neebé iha. Iha tempu ida neebé ekonomia global rasik mos enfrenta daudaun insertezas neebé boot no barak tebes, husi kedas konsekuênsia pandemia nian too ba aumentu da inflasaun no ba funu lubuk ida no tensaun geopolíticas, Governu ida nee elabora orsamentu ida neebe hareé ba nesesidades povu nian, hodi la haluha atu konsidera mos kontestu vulnerabilidade husi fatores externus.
“Ami la konsentra deit ba rekuperasaun imediata, maibé mos atu hasai polítikas no medidas neebé resilientes, hodi fo permite atu Timor Leste bele lao ba oin iha prazu neebé naruk”, tenik PM.
Tuir nia, signifika sei investe iha setores produtivus hanesan infraestruturas, edukasaun, saúde, protesaun sosial no ambiental, no la haluha iha setor petrolíferu. Sira née mak sai nuudar pilares husi neebé sei haríi sosiedade neebé próspera no justa.
Governu ida nee nia dever mak atu assegura transparansia ína-ba uzo de recursos públiku Nasional no rona mós novidade no liu-liu hanesan fali oportunidade atu halo deklarasaun, demagógikas no irresponsáveis. Pelo kontráriu, vizaun ida nee tenke sai hanesan fator uniaun atu bele servisu hamutuk ho diak liu tan, hodi buka solusaun alternativas ba povu no liu husi povu ho hanoin sira nee hotu, mak orsamentu ida nee reprezeta laos reformas atu hametin sustentabilidade , orsamental, mas investimentus konkretus neebé sei permite.
(gui)
