DILI, STLTIMORLESTE.com – Parlamentu Nasional aprova ona proposta Orsamentu Jeral Estadu (OJE) 2025 ho montante bilhaun US$ 2.617 iha final global ho votu afavor 42, kontra 23 no abstensaun 0.
Liu husi debate proposta OJE 2025, Kuarta nee (20/11/2024), iha Parlamentu Nasional (PN), debate entre governu ho Deputadu sira ba loron dahitu, deputadu sira aprova ona iha final global.
Iha okaziaun nee, situasaun kalma Deputadu sira no membru Governu entuziasmu halao debate. Maske iha loron daneen Tersa mosu dezentendimentu hodi halo barulhu situasaun iha PN, maibe situasaun hakalma hikas, no ohin Kuarta kontinua debate ho situasaun neebe hakmatek.
Iha debate tanba laiha ona intervensaun no perguntas husi Deputadu sira, nunee too iha Artigu 9, estrada em vigor no produsaun de efeitus, aprovadu.
Prezidente Parlamentu Nasional (PPN), Maria Fernanda Lay kontinua kedas submete ba votasaun final global.
“Rezultadu votasaun afavor 42, kontra 23 no abstensaun zero, nunee orsamentu 2025 pasa iha final global”, anunsia PPN, Maria Fernand Lay.
Votu afavor 23 mai husi Bankada CNRT 31, Bankada PD 6 no Bankada KHUNTO 5, enkuantu votus Kontra 23 mai husi Bankada FRETILIN 19 no Bankada PLP 4, nunee total votus 65.
Entretantu tuir guiaun no orariu neebe STL asesu debate proposta OJE 2025 nee, sei too 25 Novembru, maibe tanba iha situasan debate lao no finaliza iha loron 20 fulan Novembru tinan nee.
(gui)
