DILI, STLTIMORLESTE.com – Iha Orsamentu Jeral Estadu (OJE) 2025 nian, Governu preve ona osan ho montante tokon US$ 14 ba Institutu Nasional Farmasia Medikamentus (INFPM) hodi sosa aimoruk ba moras Tuberkuloze (TB) nian.
Visi Ministru ba Fortalesimentu Institusional Saúde (VMFIS), José dos Reis Magno dehan, iha 2025 Governu preve hela OJE ba INFPM, hodi haree liu ba moras TB iha Timor Leste (TL).
“Orsamentu neebe ita nia Governu preve tokon US$ 14 iha INFPM, depois mak sira halo rekerimentu,” hatete nia ba jornalista sira iha Hotel Timor, Tersa (25/03/2025).
Nia esplika, Ministeriu Saude iha esperiensia tinan kotuk nian akontese dezafiu balu, tanba nee fo hanoin ba Programa Saude Primaria atu fo atensaun masimu ba medikamentus nian.
Iha fatin hanesan, Reprezentante Organizasaun Mundial Saúde (OMS) iha TL, Arvind Mathur informa, servisu hamutuk ho MS atu harii Sentru Hapara Fuma nee iha munisipiu sira seluk.
(jen)
