DILI, STLTIMORLESTE.com – Relasiona ho okupantes sira neebe mak too agora hela iha areador eskola, husi Diresaun Ensinu Sekundariu iha Ministeriu Edukasaun fo kompetensia ba Servisu Edukasaun Munisípiu Dili no SEATOU hodi haree asuntu nee.
Dehan Diretor Nasional Ensinu Sekundariu iha Ministeriu Edukasaun, Benjamin Gomes da Cruz Fernandes ba jornalista STL iha nia knaar fatin Vila Verde, Dili, Sesta nee (13/03/2026).
“Hau hanoin kona-ba ita nian okupantes sira iha areador eskola nee, nee kompetensia Edukasaun Munisipiu Dili, sira mak iha kompetensia, ami nian linha koordenasaun neebe mak diak ho sira, ami nafatin fo kompetensia sira atu bele haree asuntu ida nee,” dehan nia.
Iha fatin seluk, Diretor Eskola Sekundáriu Jeral nu. 4 Setembru Balide, Sergio A. da Cruz hatete, Eskola Sekundáriu Jeral nu. 4 Setembru Balide husu urjente ba Ministeriu Edukasaun atu bele rezolve okupantes iha areador eskola refere.
“Difikuldade neebe mak daudaun nee ami enfrenta mak hanesan ita nian komunidade hela iha eskola laran, sira seidauk sai, sira nia oan lao ba mai iha sala aprendizajen ninia oin, aleinde nee ami nian profesores sufisiente hela. Husu ba parte kompetensia atu rezolve ho emerjensia ligadu ho infraestrutura neebe iha, maibe komunidade sira nia oan ba esraga hotu, fiar katak sei rezolve iha futuru,” tenik nia.
(jac)
