DILI, STLTIMORLESTE.com – Relasiona ho komunidade hirak neebe mak sei okupa areador eskola iha kapital Dili, Ministeriu Edukasaun (ME) koordena nafatin ho Diretor Servisu Edukasaun Munisipiu (SEM) Dili.
“Ida nee hau hanoin ita koordena ona ho Diretor Edukasaun Munisipal, tanba sira mak sei hamutuk ho autoridade munisipal sira hotu, ita fo ona hanoin ruma ba sira para sira bele koordena ho autoridade munisipais ninia,” dehan Ministru Edukasaun Interinu, Domingos Lopes Lemos ba jornalista sira iha salaun Ian Martin, Balide, Tersa nee (01/04/2025).
Iha fatin seluk, Diretor Eskola Sekundariu Jeral nu. 4 Setembru Balide, Sergio A. da Cruz hatete, iha eskola ida nee komunidade neebe mak too agora sei hela nee bele dehan kategoria uma kain lima ou neen, no komunidade sira nee hela kleur ona iha areador eskola ida nee, maibe tuir lo-loos areador eskola nee komunidade sira labele hela, ho nunee manorin sira halao aprendizajen ba estudantes sira.
Nunee mos Diretor EBC 10 Dezembru Komoro, Calistro A.Guterres dehan, komunidade neebe mak hela iha resintu eskola ida nee prontu koopera, maibe oinsa hasai sira ho dignu, tanba profesor balun mos hela hotu iha laran.
(jac)
