DILI, STLTIMORLESTE.com – Ordem dos Advogados Privados neebe iha, oras nee daudaun haruka ka submete ona ba iha Gabinete Parlamentu Nasional hodi diskuti.
Tuir Koordenador Ekipa Tabalhu Esatutu Ordem Advogadu Timor Leste, Sergio Lobo Junior katak, Ordem Advogadu submete ona ba iha Gabinete PN liu husi Visi Ministru Justisa.
“Ordem dos Advogados oras nee submete ona ba iha Gabinete Parlamentu Nasional, neebe submete husi Visi Ministru Justisa Fortalesementu Instituisional mak haruka ba,” dehan Sergio ba STL iha Tribunal Dili, Sesta (25/10/2024).
Nia hatutan, iha ona Gavbnete PN, sei lori ba iha Komisaun A atu diskuti oituan, depois mak sei halo ajenda ba iha aprovasaun.
Sergio sublina, ordem nee importante tebes atu regula servisu Advogadu nian, tanba durante nee Advogadu sira halao deit servisu, maibe seidauk iha ordem ida atu regula lo-loos sira nia servisu. Nunee importante tebes atu halo diskusaun ba ordem refere, atu tulun Advogadu Privadu sira atu halao servisu.
Iha fatin ketak, Jurista Fernando da Costa dehan, imporante ordem dos Advogados, tanba iha ordem ida mak bele regula servisu neebe iha.
“Hanoin importante tebes ordem Advogadu nian, tanba nee tau konfiansa ba iha Visi MJ, atu haree no akompanha didiak ordem nee too hetan aprovasaun,” dean nia.
Antes nee Defensor Publiku Jeral Cansio Freitas dehan, kuandu ordem dos Advogado aprovadu ona, sira sei haree atu prosesu balu neebe komete husi ema sira neebe iha finanseira, Defensor sira labele atende.
“Sei haree kuandu Ordem dos Advogado aprovadu, maibe seidauk aprova kuandu prosesu balu neebe komete husi ema neebe iha finanseiru, sira hakarak buka Defensor sira ami labele taka dalan, kuandu ordem iha bele regula ona,” dehan nia.
(ter)
