DILI, STLTIMORLESTE.com – Prezidente Republika (PR), Jose Ramos Horta lori nia naran no Primeiru Ministru Kay Rala Xanana Gusmão no orgaun soberania seluk nia naran hatoo votus natal no feliz tinan foun ba povu iha Timor Leste no iha mundu.
Prezidente Republikan Jose Ramos Horta hatoo liafuan nee liu husi diskursu iha selebrasaun natal ho povu iha Palasiu Prezidensial Nicolau Lobato, Bairo Pite, Tersa (23/12/2025).
Xefe Estadu hatoo votus natal no ksolok dame ba povu neebe namkari iha rai laran no rai liur, ho loron ksolok nee hametin nafatin dame iha idak idak nia fatin.
“Hau hatoo boas Festa Natal ba Timor oan hotu namkari iha Timor laran no iha mundu. Ba oan hotu hotu neebe rona akompanha transmisaun ida nee, sira neebe iha Hospital, sira neebe iha Bekora Gleno, Suai, sira neebe iha uma liu liu ba ferik katuas sira neebe labele book aan husi nee hodi hau nia naran rasik, Primeiru Ministru, Prezidente Parlamentu, Prezidente Tribunal Rekursu nomos ita nia amigo sira parseru sira korpu diplomatiko hotu iha Timor hakuak boot ba natal kmanek ho domin no dame,” dehan PR Horta.
Nunee mos Visi Primeiru Ministru Francisco Kalbuady Lay hatoo ksolok natal ba povu iha Timor laran tomak
Iha biban nee Visi Primeiru Ministru hatoo kongratula ba Prezidente Republika Jose Ramos Horta neebe loke mnatal do povu iha Palasiu Prezidensial, no agradese mos ba parte hotu hotu neebe marka prezensa hotu iha fatin nee hodi komemora natal hamutuk.
“Maske udan maibe ita hotu sente haksolok tebes, tanba ema nakonu husi estrada too mai palasiu laran. Uluk nanain husu deskulpa Avo Nana labele marka prezensa iha kalan nee, tanba Avo Nana ohin iha atividade lubuk ida, momentu agora mos halao hela atividade seluk neebe hau reprezenta IX Governu, premeiru mai ita hotu agradese ba Prezidente neebe mak kuaze tinan tinan organiza hela festa ida nee ba iha komunidade no povu liu liu ba oan sira,” dehan nia.
Kalbuady hatutan, kada tinan Prezidente sempre kria Nnatal hamutuk ho povu, no tinan ida nee tan realiza dala ida tan. Neebe marka prezensa mos familia sira ferik katuas, labarik no joven selebra natal hamutuk hanesan momentu espesial ba refleksaun ba uniaun ho fraternidade.
Nia katak, natal nuudar loron ba selebrasaun loron moris Jesus Kristu nia iha ambiente Natalisio, neemos oportunidade ida atu reafirma ema hotu nia komprimisiu ba moris diak povu nia no ba dezenvolvimentu ba nasaun.
Nunee mos Governu kontinua halao esforsu tomak atu serbi povu ida nee hodi promove nafatin inkluzaun sosial, establidade no dignidade ba moris diak Timor oan hotu, nunee ho respeita ho respeita Natal mai haforsa determinasaun atu harii futuru ida ba pas solidariu no prosperu.
Jornalista: Emerenciana Pinto
Editora : Domingas Gomes
