DILI, STLTIMORLESTE.com – Ensinu Baziku Sentral (EBC – sigla português) Manleuana kada loron sempre orienta estudantes sira tenke tau lixu iha fatin neebe prepara ona.
Carlos Correia nuudar Diretor EBC Manleuana hatoo kestaun nee ba jornalista STL iha nia knaar fatin Manleuana, Segunda nee (16/06/2025).
“Ami nian eskola nee kada loron estudantes sira halo limpeza dader no loraik, tanba kada loron ami orienta estudantes sira oinsa mak tau lixu iha fatin neebe mak prepara ona, antes prosesu aprendizajen lao, ami nian estudantes sira halo uluk limpeza, nee laos dader deit, maibe limpeza nee dader no loraik, ho nunee ita nian ambiente eskola nee tenke moos, tanba agora tempu udan evita mos susuk iha eskola,” tenik nia.
Carlos dehan, iha fulan Fevereiru tinan nee husi parte saude mai iha eskola husu atu lori aimoruk rega para evita susuk iha tempu udan, nee duni husi saude mai rega dala ida ona, nee sira mak husu eskola.
Entretantu Cosme da Costa hanesan estudante dehan, nuudar estudante oinsa hatene tau lixu iha fatin, karik han buat ruma ou hemu buat ruma iha eskola tau kedas iha fatin neebe mak prepara ona, labele soe lixu arbiru iha areador eskola nian.
“Hau nuudar estudante oinsa hatene tau lixu iha fatin, karik han buat ruma ou hemu buat ruma iha eskola tau kedas iha fatin neebe mak prepara ona, labele soe lixu arbiru iha areador eskola nian,” dehan nia.
(jac)
