DILI, STLTIMORLESTE.com – Parlamentu Nasional aprova ona Orsamentu Jeral Estadu (OJE) 2025 neebe aloka ba Ministeriu Planeamentu no Investimentu Estratejiku (MPIE), Tribunais, Prokuradoria Jeral Republika (PJR), Defensor Publika (DP) no Provedoria Direirus Humanus no Justisa (PDHJ), iha parte espesialidade.
Iha debate proposta OJE 2025 Segunda nee (18/11/2024) iha PN, diskusaun entre PN ho IX Governu aprova tan orsamentu ba Instituisaun estadu 5.
Iha okaziaun nee, debate lao hakmatek no laiha dezentendimentu ruma. Enkuantu iha debate ba orsamentu instituisaun Governu 5 nee laiha proposta alterasaun, maibe husu deit esklaresimentu husi governu.
Iha debate ba orsamentu MPIE total US$ 4.316.909, fahe ba kategoria Salariu Vensimentu US$ 2.636.773, Bens no Servisu US$ 1.630.136, Transferênsia Publika zero, Kapital Menor US$ 50.000, Kapital Dezenvolvimentu zero.
Iha debate Deputadu sira aprova ho votus afavor 42, kontra 11, no abstensaun 11.
Enkuantu orsamentu ba Tribunais montante US$ 4.670.395, fahe ba kategoria Salariu Vensimentu US$ 3.454.572, Bens no Servisu US$ 925.823, Transferênsia Publika US$ zero, Kapital Menor 290.000, Kapital Dezenvolvimentu zero.
Husi orsamentu ba Tribunais nee, Deputadu sira aprova ho votus afavor 42, kontra zero no abstensaun 22.
Iha debate ba orsamentu PJR montantes US$ 4.223.437, fahe ba kategoria Salariu Vensimentu US$ 3.277.759, Bens no Servisu US$ 905.678, Transferênsia Publika zero, Kapital Menor US$ 40.000, Kapital Dezenvolvimentu zero.
Husi debate ba orsamentu ba PJR Deputadu sira aprova ona ho votus afavor 42, kontra 1 no abstensaun 21.
Tuir mai orsamentu ba Defensor Publika (DP) montante orsamentu US$ 1.717.730, fahe ba kategoria Salariu Vensimentu US$ 1.590.971, Bens no Servisu US$ 126.759, Transferênsia Publika zero, Kapital Menor zero, Kapital Dezenvolvimentu zero.
Nunee Deputadu sira aprova ona orsamentu espesialidade b DP ho votus afavor 43, kontra 4 no abstensaun 17.
Enkuantu proposta orsamentu ba PDHJ montantes US$ 2.139.368, fahe ba kategoria Salariu Vensimentu US$ 1.402.463, Bens no Servisu US$ 696.905, Transferênsia Publika zero, Kapital Menor 40.000, Kapital Dezenvolvimentu zero. Submete ba votasaun, orsamentu nee aprova ho votus afavor 42, kontra 2 no abstensaun 20.
(gui)
