DILI, STLTIMORLESTE.com – Parlamentu Nasional (PN) aprova ona orsamentu ba Gabineti Primeiru Ministru (GPM) hamutuk US$3.884.402 iha faze espesialidade ho votu afavor 42, kontra no abstensaun 12.
“Ho nunee orsamentu ba Primeiru Ministru pasa iha espesialidade,” hatete Prezidente Parlamentu Nasional (PPN), Maria Fernanda Lay iha ambitu debate OJE 2025, iha faze espesialidade, iha PN, Kuarta, (13/11/2024).
Aleinde nee iha diskusaun orsamentu ba Primeiru Ministru (PM) ba finansial 2025, Bankada FRETILIN ho Bankada Partidu Libertasaun Popular (PLP) aprezenta proposta hamutuk haat neebe husu atu halo redusaun ba orsamentu husi Primeiru Ministru nian, maibe proposta hirak nee la pasa tanpa bankada governu vota proposta nee.
Entretantu tuir proposta OJE 2025, orsamentu neebe aloka ba Primeiru Ministru (PM) hamutuk US$ 3.884.402, husi orsamentu nee aloka salariu vensimentu US$ 1.137.348, Bens Servisu US$ 2.387.054, transferensia publika la iha, kapital menor $ US$ 360.00, kapital dezenvolvimentu la iha.
(alb)
