DILI, STLTIMORLESTE.com – Parlamentu Nasional aprova Orsamentu Jeral Estadu (OJE) 2025 neebe aloka ba Visi Primeiru Ministru no Ministru Koordenador ba Asuntu Sosial, Mariano Assanami Sabino ho montante milhaun US$ 1 resin, pasa iha espesialidade ho votu afavor 42, kontra 20 no abstensaun 2.
Liu husi debate proposta OJE 2025, ba loron daruak Kuarta nee (13/11/2024) iha PN, pasa. Maske iha orsamentu ba VPM no Ministru Koordenador ba Asuntu Sosial nee iha proposta altersaun 2, hanesan 67, ho 44, maibe Governu hatan laiha fatin..Nunee submete ba votasaun ba proposta altersaun nee, la pasa.
Nunee Prezidente Parlamentu Nasional, Maria Fernanda Lay subemete ba votasaun ba orsamentu tomak ba VPM ba Ministru Koordenador ba Asuntu Sosial .
“Rezultadu votasaun afavor 42 kontra 20 no abstensaun 2, nunee orsamentu ba VPM Ministru Koordenador ba Asuntu Sosial pasa iha espesialidade”, anunsia PPN, Maria Frenanda Lay.
Entretantu tuir dadus neebe jornalista STL asesu, proposta OJE 2025 ba VPM no Ministru Koordenador ba Asuntu Sosial, ho montante US$ 1.100.000, neebe aloka ba Salariu Vensimentu U$ 710.540 Bens no Servisu U$ 389.460, Transferensia Publika 0, Kapital Menor 0, Kapital Dezenvolvimentu 0.
(gui)
