OEKUSI, STLTIMORLESTE.com – Relasiona ho atividade festival fronteira 2023 iha Munisipiu Bobonaro no Oekusi, ho kustu rihun US$ 150 ba atividade refere.
Politika husi IX Governu Konstitusional liu husi Sekretariu Estadu Arte no Kultura (SEAK), Konselhu Nasional Chega, Institutu Publiku (CNC, I.P) ho seguidores sira, kontribui orsamentu ba festival kada tinan rihun US$ 75, entaun tinan rua hamutuk rihun US$ 150,” dehan Diretor Ezekutivu CNC, I.P, Hugo Maria Fernandes ba jornalista sira iha Oecusse, Sesta nee (18/10/2024).
Tuir nia, orsamentu neebe aloka ba atividade Festival nee mai husi Orsamentu Jeral Estadu (OJE), nunee husu ba publiku atu haree, tanba orsamentu husi SEAK tantu CNC, I.P, Prezidente Autoridade Munisipiu RAEOA no seguidores sira, orsamentu sira nee ho free balance.
Entretantu Visi Ministru ba Asuntu Parlamentares, Aderito Hugo Fernandes hatete, osan estadu nian presiza halo jestaun neebe diak, nunee povu bele sente benefisiu husi ezekusaun politika neebe Governu nee estabiliza iha sosiedade.
Tanba programa hirak neebe iha, presiza duni kustu, nunee husi atividade boot sira neebe governu liu husi SEAK ho CNC, I.P no nia patrosinadores sira halo, hodi lori nia vantajen duni ba povu, liu-liu hametin rekonesiliasaun nee importante tebes ba estadu TL.
(EST 1)
